மோடியின் பதில் அறிவுக்குப் பொருந்தாதது! தெகல்காவின் படப்பிடிப்பு

விசாரணை அலுவலர் மேலும் வற்புறுத்திக் கேட்டபோது, தவறை அதிகாரிகள் மீதும், காவல்துறை அதி காரிகள் மீதும் மோடி தள்ளிவிட்டார்.

மாநில புலனாய்வுத் துறைக்குக் கிடைத்த துப்புத் தகவல்கள் அரசுக்கு அனுப்பப்பட்டனவா? அப்படியானால் எப்போது, யாரால் அனுப்பப்பட்டது? என்று மல்ஹோத்ரா கேட்டார்.

ராம் மகாயக்ஞத்துக்காக குஜராத் திலிருந்து சில ராம் சேவகர்கள் அயோத்திக்குச் செல்வதாக எனக்குத் தெரிய வந்தது. ஆனால் அவர்களின் பயணத் திட்டம் பற்றி எனக்கு எதுவும் தெரிந்திருக்கவில்லை. இதுபற்றி தக்க பாதுகாப்பு ஏற்பாடுகளைச் செய்யும் பணி காவல் துறை அதிகாரிகள் மற்றும் உள்துறையைச் சார்ந்தது என்று மோடி பதிலளித்தார்.
மாநில புலனாய்வுத் துறை கரசேவ கர்கள் பயணத்தைப் பற்றி எந்தக் கடிதத்தையாவது அனுப்பியதா? அப்படி யானால் எப்போது, யாருக்கு அனுப்பப் பட்டது? மல்ஹோத்ரா மறுபடியும் அவரைக் கேட்டார்.

மாநிலப் புலனாய்வுத் துறையிலி ருந்து இது போன்ற கடிதம் எதுவும் வந்தது பற்றி எனக்கு எதுவும் தெரி யாது. அப்படி கடிதம் ஏதேனும் வந்திருந் தால் அது அத்துறையில் இருக்க வேண்டும் என்று மோடி பதிலளித்தார்.

ஒவ்வொரு நாள் காலையிலும் முதலாவதாக ஒரு முதலமைச்சர் தவ றாமல் செய்வது மாநிலப் புலனாய்வுத் துறைத் தலைவரை சந்தித்து துப்பறியப் பட்ட தகவல்களைப் பெற்றுக் கொள்வது தான். எனவே, மோடியின் பதில் அறிவுக்குப் பொருந்தாததாகத் தோன் றுகிறது. தனது அரசின் விவகாரங் களில் ஓர் இறுக்கமான கட்டுப்பாட்டைக் கொண்டிருக்கும் ஒரு திறமை மிகுந்த நிருவாகி என்று கூறப்படு பவரின் தோற்றத்தை அது சிதைப்ப தாகவும் இருக்கிறது.

இரு முறை இடைவெளி விட்டு, விடியற்காலை 1 மணி வரை மோடியிடம் கேள்வி கேட்கும் பணி தொடர்ந்தது. மொத்தமாக 71 கேள்விகள் அவரிடம் கேட்கப்பட்டன. மேலே குறிப்பிடப்பட்ட கேள்விகளைத் தவிர்த்த மற்ற சில முக்கியமான கேள்விகள் இங்கே கீழே அளிக்கப்பட்டுள்ளன.

கேள்வி: கோத்ரா ரயில் எரிப்பு முன்னதாக திட்டமிட்டு நடத்தப்பட்ட சதி என்றும், இதன் பின்னணியில் பாகிஸ் தானின் அய்.எஸ்.அய். உள்ளது என்றும் நீங்கள் அறிவித்தீர்களா? அறிவித் திருந்தால், அதற்கு அடிப்படை என்ன?
மோடி: சட்டமன்றத்தில் இது போன்ற சொற்கள் எதையும் நான் கூறவில்லை. ஊடகங்கள் என்னிடம் சில கேள்விகள் கேட்டன; ஆனால், விசாரணை இன்ன மும் நடந்து வருவதால், அதைப்பற்றி எதுவும் சொல்ல முடியாது என்றுதான் நான் கூறினேன்.

கேள்வி: கோத்ரா ரயில் எரிப்பு விபத்தில் இறந்தவர்களின் உடல்களை அகமதாபாத்துக்குக் கொண்டு வருவது என்ற முடிவை யார் எடுத்தார்கள்? எந்த அடிப்படையில் எடுக்கப்பட்டது?

மோடி: இறந்தவர்களின் உடல் களை அகமதாபாத்துக்குக் கொண்டு செல்வ தென்ற முடிவு, மாவட்ட ஆட்சியர் அலுவலகத்தில் நடந்த ஒரு கூட்டத்தில், அங்கு வந்திருந்தவர்களுடன் கலந் தாலோசித்தபின் எடுக்கப்பட்ட கூட்டு முடிவாகும். பதற்றம் அதிகமாகக் கூடாது என்பதற்காக அந்த உடல்களை அகமதாபாத் புற நகர்ப் பகுதியில் உள்ள சோலா சிவில் மருத்துவமனையில் வைக்க வேண்டும் என்று நான் அறிவுறுத்தி யிருந்தேன். இறந்தவர்களில் பெரும் பாலோர் அகமதாபாத்தையும், அதற்கு அப்பால் உள்ள இடங்களையும் சேர்ந்த வர்கள் என்பதாலும், அவர்களது உறவி னர்கள் உடல்களை அடையாளம் காட்ட வும், பெற்றுக்கொள்ளவும் ஊரடங்கு சட்டம் நடைமுறையில் இருந்த கோத்ராவுக்கு வரவேண்டாம் என்பதாலும், இந்த முடிவு மேற்கொள்ளப்பட்டது.

கேள்வி: அப்போது மாவட்ட ஆட்சிய ராக இருந்த ஜெயந்தி ரவி இறந்தவர் களின் உடல்களை அகமதாபாத்துக்குக் கொண்டு செல்வதற்கு ஆட்சேபணை தெரிவித்தாரா?

மோடி: இறந்தவர்களில் பெரும்பா லோர் அகமதாபாத் மற்றும் அதற்கு அருகில் உள்ள இடங்களைச் சேர்ந்தவர் கள் என்பதால் அவர்களது உடல்களை சோலா சிவில் மருத்துவமனைக்கு எடுத் துச் செல்ல கூட்டத்தில் ஒருமனதாகத் தீர்மானிக்கப்பட்டது. இறந்தவர்களின் உடல்கள் தொடர்ந்து கோத்ராவிலேயே இருந்தால், பதற்றம் இன்னும் அதிகமாகும் என்று அஞ்சுவதால், அந்த உடல்களை கோத்ராவிலிருந்து உடனே எடுத்துச் செல்லவேண்டும் என்று மாவட்ட ஆட்சிய ராகவும், மாவட்ட குற்றவியல் நீதிபதி யாகவும் இருந்த ஜெயந்தி ரவி கருத்து தெரிவித்தார்.

கேள்வி: அப்போதைய வி.இ.ப. பொதுச் செயலாளர் ஜெய்தீப் படேலை உங் களுக்குத் தெரியுமா? உங்களை கோத்ராவில் சந்தித்த அவர், இறந்தவர் களின் உடல்களுடன் தானும் அக மதாபாத்துக்குச் செல்ல அனுமதிக் கப்படவேண்டும் என்று கேட்டாரா?

மோடி: அவரை நான் அறிவேன். அவரை கோத்ராவில் சந்தித்ததாக எனக்கு நினைவில்லை. இறந்த வர்களின் உடல்களை அகமதா பாத்துக்குக் கொண்டு செல்ல முடிவு எடுத்தபிறகு, அவற்றை எவ்வாறு எடுத்துச் செல்வது என்பது பற்றி முடிவெடுப்பது மாவட்ட நிருவாகத்தின் பொறுப்பு. உடல்கள் எப்போது, எப்படி அகமதாபாத்தை வந்தடைந்தன என்பது போன்ற விவரங்கள் எதுவும் எனக்குத் தெரியாது. என்றாலும், இறந்தவர்களின் உடல்கள் மாவட்ட நிருவாகம், கால்துறை அதிகாரிகள், மருத்துவ மனை அதிகாரிகள் ஆகி யோரின் பாதுகாப்பில் இருந்தன.

கேள்வி: 27.2.2002 அன்று கோத்ரா விலிருந்து திரும்பிய பிறகு, அப்போது நிலவிய சட்டம், ஒழுங்கு சூழ்நிலையைப் பற்றியும் , கோத்ரா ரயில் எரிப்பினால் ஏற்படக்கூடிய கடும் விளைவுகளைப் பற்றியும் பரிசீலனை செய்யவும் ஒரு கூட்டத்தைக் கூட்டினீர்களா?
மோடி: அன்று வீட்டுக்குத் திரும் பியவுடன், சட்டம்- ஒழுங்கு பற்றிய ஒரு கூட்டத்தினைக் கூட்டினேன். அக் கூட்டத்தில் நிருவாக, உள்துறை, காவல் துறை உயர் அதிகாரிகள் கலந்து கொண்டனர்.

நன்றி: தெகல்கா 12.2.2011
தமிழில்: த.க. பாலகிருட்டிணன்
http://viduthalai.in/new/page-2/5042.html

நல்லவர் போல் தோற்றமளிக்கும் திறமைமிக்க ஏமாற்றுக்காரர் நரேந்திர மோடி - தெகல்கா அம்பலப்படுத்தியது

ஒரு மதக் கலவரப் படுகொலைகளில் மோடியின் பங்கு  என்ன என்பது பற்றி விசாரணையில் கேள்வி கேட்கப்படும் முதல் முதலமைச்சர் என்ற பெருமை நரேந்திர மோடிக்கு உண்டு.  மென்மை யானவையாக இருந்தாலும், நேரடியாக பதில் கூறாமல் தவிர்ப்பவையாக இருந்த  அவர் அளித்த பதில்கள் குஜராத்தின் இரும்பு மனிதர் என்பவரின் மறுபக் கத்தைக் காட்டுவது போல் உள்ளன.

28.3.2010 காலை 9 மணிக்கு காந்தி நகரில் உள்ள சிறப்பு விசாரணைக் குழு அலுவலகத்தின் முன் கூடியிருந்த தெலைக்காட்சி செய்தியா ளர்களை நோக்கி கை அசைத்துக் கொண்டே  குஜராத் முதல்வர் நரேந்திர மோடி அலுவலகத்திற்குள் நுழைகிறார். அதன் பின் நடந்த விசாரணை குஜராத் தின் இரும்பு மனிதர் எனப்படும் அவரின் ஆர்வத்தை அளிக்கும் மறுபக்கத்தைக் காட்டுவதாக இருந்தது.

கவுரவ யாத்திரையின் ஒரு பகுதியாக 9.9.2002 அன்று மேக சேனா மாவட்ட பெச்சார்ஜி என்ற ஊரில் தாங்கள் நிகழ்த்திய சொற்பொழிவை தயவு செய்து பாருங்கள்  என்று கூறிய விசாரணை அலுவலர் மல்ஹோத்ரா மதஉணர்வுகளைத் தூண்டும் முதல் வரின் பேச்சு அடங்கிய ஆவணத்தை மேஜை மீது வைக்கிறார்.

நிவாரண முகாம்களைக் கொச்சைப்படுத்திய மோடி

என்ன சகோதரர்களே, நாம் நிவா ரண முகாம்களை நடத்த வேண்டுமா? குழந்தைகளை உற்பத்தி செய்யும் மய் யங்களை நான் ஆரம்பிக்க வேண்டுமா? குடும்பக் கட்டுப்பாட்டுத் திட்டத்தைப் பின்பற்றி முன்னேற்றம் அடைய வேண்டும் என்று நாம் விரும்புகிறோம். நாம் 5 பேர், ஆனால் அவர்களோ 25 பேர். குஜராத் மாநிலத்தில் குடும்பக் கட்டுப்பாட்டை நடைமுறைப்படுத்தவே முடியாதா? அதற்குக் குறுக்கே எவரால் தடைகள் ஏற்படுகின்றன?

எந்த மதம் இதற்குக் குறுக்கே நிற்கிறது? பணம் ஏன் ஏழைகளைச் சென்றடைவதில்லை? சிலர் குழந்தைகளைப் பெற்றுக் கொண்டே போனால், அக்குழந்தைகள் சைக்கிள் டியூபுக்கு பஞ்சர் ஒட்டும் வேலையைத்தான் செய்ய முடியும். 2002 செப்டம்பரில் கவுரவ யாத்திரை என்ற பெயரில் மோடி மேற்கொண்ட தேர்தல் பிரச்சாரத்தின்போது அவர் பேசியது இது.

இந்தக் குறிப்புகள் முஸ்லிம்களைக் குறிப்பிடுபவையா? என்று மல்ஹோத்ரா கேட்கிறார்.
இந்தப் பேச்சு எந்த ஒரு குறிப்பிட்ட சமூகத்தினரையோ, மதத்தினரையோ குறிப்பிடுவது அல்ல. இது ஒரு அரசியல் பேச்சு. அதில் வளர்ந்து வரும் இந்திய மக்கள் தொகையைச் சுட்டிக் காட்ட நான் முயன்றிருக்கிறேன். சில தீய சக்திகள் தங்கள் நோக்கத்திற்கு ஏற்ற வாறு எனது பேச்சுக்கு தவறான விளக் கம்  அளித்து திரித்து வெளியிட்டிருக் கின்றன. எனது தேர்தல் பேச்சுக்குப் பிறகு பதற்றமோ, கலவரமோ ஏற்பட வில்லை என்பது கவனிக்கத்தக்கது என்று மோடி பதிலளித்தார்.

இத்தகைய பதிலை ஏற்றுக் கொள்ள மல்ஹோத்ரா தயாகரா இல்லை. அவரது அறிக்கையில், மோடி அளித்த பதில் மனநிறைவை அளிப்பதாக இல்லை. நிச்சயமாக அது வளர்ந்து வரும் சிறுபான்மை மக்கள் தொகையைப் பற்றி யதுதான் என்று அவர் தெரிவித் துள்ளார்.

விசாரணை தொடரும்போது, - தனக்கு சாதகமானவற்றை தேர்ந்தெடுத் துக் கூறுவது, நேரடியாக பதிலளிக்காமல் தட்டிக் கழிப்பது, நினைவுமறதி, பச்சைப் பொய், தந்திரமான - திறமையான பேச்சுக்கலை - போன்ற புத்தகத்தில் உள்ள அத்தனை வித்தைகளையும் மோடி பின்பற்றிக் காட்டுகிறார்.

எதிர்வினையா?

1.3.2002 அன்று ஜீ தொலைக் காட்சியின் சுதிர் சவுத்ரிக்கு நீங்கள் அளித்த பேட்டியில், இவை ஒரு சங் கிலித் தொடர் போன்ற வினைகளும், எதிர் வினைகளுமாகும். வினைகளும், எதிர்வினைகளும் நிறுத்தப்படவேண்டும் என்று நாங்கள் விரும்புகிறோம்  என்று கூறியிருக்கிறீர்கள். கோத்ரா நிழ்ச்சி இந்தியாவிலும், உலகம் முழுமையிலும் ஒரு பெரிய அதிர்ச்சியை ஏற்படுத்தி உள்ளது என்று நீங்கள் அந்தப் பேட்டியில் கூறியிருக்கிறீர்கள். 

கோத்ரா பகுதி மக்கள் குற்றவியல் குணங்களைக் கொண்டவர்கள்; இதற்கு முன் அவர்கள் பெண் ஆசிரியர்களைக் கொன்றிருக் கின்றனர். இப்போது அவர்கள் இந்த மிருகத்தனமான குற்றத்தைச் செய்திருக் கின்றனர். அதன் எதிர்வினைதான் இப்போது அவர்கள் உணர்வது என்று கூறியிருக்கிறீர்கள். இதைப் பற்றி விளக்கமுடியுமா? என்று மல்ஹோத்ரா கேட்கிறார்.

நேரடியாக பதில் அளிப்பதை மோடி தவிர்த்துவிட்டுக் கூறுகிறார் : குஜராத் வரலாற்றைப் படித்தவர்களுக்கு மத வன்முறைகள் இங்கே ஒரு நீண்ட வரலாற்றைப் பெற்றிருக்கின்றன என்பதை நிச்சயமாக அறிந்திருப்பார்கள். நீண்ட காலமாக, நான் பிறப்பதற்கு முன்பே, இது போன்ற மதக் கலவரங்களைத் தொடர்ச் சியாக குஜராத் சந்தித்து இருக்கிறது. 1714 ஆம் ஆண்டு முதல் இன்று வரை, ஆயிரக்கணக்காக மதக் கலவரங்கள் குஜராத்தில் நிகழ்ந்திருப்ப தாக வரலாறு கூறுகிறது.

இன்னமும் அவர் கேள்விக்குப் பதில் கூறவில்லை.  1.3.2002 அன்று ஜீ தொலைக்காட்சிக்கு அளித்த பேட்டியைப் பொறுத்தவரை, எட்டு ஆண்டுகள் கழிந்த நிலையில், நான் பயன்படுத்திய சொற் களை அவ்வாறே நினைவுபடுத்திக் காண என்னால் இயலவில்லை. என்றாலும், எப்போதுமே அமைதி நிலவவேண்டும், அமைதி மட்டுமே நிலவவேண்டும் என்று நான் வேண்டுகோள் விடுத்து வந் துள்ளேன். மக்கள் வன்முறையைக் கைவிட வேண்டும் என்று நேரடியான, எளிய மொழியில் கூறியிருக்கிறேன்.

இந்த பதில்களிலிருந்து தேர்தல் பேரணியில் தோன்றிய மோடியைப் பற்றி அறிந்து கொள்வது எளிதல்ல. ஷெரா புடீன் ஷெயிக் கொல்லப்பட்ட போலி என்குவுன்டர் 4-12-2007 அன்று நடந்த தற்குப் பிறகு பல மாதங்கள் கழித்து ஒரு பெருங்கூட்டத்திடம் மோடி கேட்கிறார்: ஷொராபுடீனை நான் என்ன செய் திருக்க வேண்டும். உணர்ச்சி வயப்பட்ட கும்பல், அவனைக் கொல்; அவனைக் கொல் என்று கத்துகிறது. பின் மோடி சீறுகிறார் :

அதைச் செய்ய நான் சோனியா காந்தியின் அனுமதியை வாங்கவேண்டுமா?

ஆனால் அந்த மோடி இப்போது முற்றிலுமாகக் காணாமல் போய்விட்டார்.

ஒவ்வொரு வினைக்கும் ஓர் எதிர்வினை நிச்சயம் உண்டு என்ற நியூட்டனின் விதியைக் குறிப்பிட்டு கோத்ராவுக்குப் பிறகு நடந்த கலவ ரங்களைப் பற்றி ஊடகத்தினரிடம் நீங்கள் அறிக்கை ஒன்றை வெளியிட் டீர்களா? என்று மல்ஹோத்ரா கேட்கிறார்.

டைம்ஸ் ஆஃப் இந்தியாவின் செய்தி

இதுபற்றி டைம்ஸ் ஆஃப் இண்டியா ஒரு செய்தியை வெளியிட்டிருந்தது. உண்மை என்னவென்றால் டைம்ஸ் ஆஃப் இண்டியாவில் இருந்து எவருமே வந்து என்னை சந்திக்கவில்லை என்பது தான் என்று மோடி பதிலளிக்கிறார்.  வினை-எதிர்வினைக் கோட்பாடு என்று அழைக்கப்படுவதன் பொய்த் தன்மை இந்த உண்மையின் மூலம் தெளிவாகத் தெரிகிறது. அது போன்ற எந்த ஒரு பேட்டியையும் கொடுக்க வில்லை என்ற ஒரு மறுப்பை மாநில அரசு வெளியிட்டிருந்தது. அந்த நாளி தழின் உட்பக்கத்தில் ஒரு மூலையில் வெகுநாள்கள் கழித்த பிறகு அந்த மறுப்புச் செய்தி வெளியிடப்பட்டது என்று மோடி கூறினார்.

அந்த நேரத்தில் மோடி கூறுகிறார்:

குஜராத் மொழியில் ஒரு பழமொழி உண்டு. வன்முறைக்கு வன்முறையே பதிலாக இருக்க முடியாது என்பது எனது நிலையான கருத்தாக இருந்து வருவதாகும். அமைதி காக்கவேண்டும் என்றுதான் நான் வேண்டுகோள் விடுத்தேன். ஏதுமறியா அப்பாவிகள் மீது ஒரு கும்பல் மேற்கொண்ட வினை யையோ,  எதிர்வினையையோ நான் எப்போதுமே நியாயப்படுத்தியதில்லை; நியாயப்படுத்தவும் மாட்டேன்.

இன்னமும் சிக்கல்நிறைந்த கேள்வி களுக்கு மோடி தெளிவற்ற குழப்பமான பதில்களை அளித்தார். மோடி மீதான சிறப்பு விசாரணைக் குழுவிற்கு எந்த வித அதிகாரமும் அளிக்கப்பட்டிருக்க வில்லை என்பதால், மோடியால் இவ்வாறு செய்ய முடிந்தது. அவர் மீது ஒரு முதல் தகவல் அறிக்கை கூட பதிவு செய்யப்படவில்லை.

மோடி விரும்பி யிருந்தால், சிறப்பு விசாரணைக் குழு வின் முன் ஆஜராவதற்கே அவரால் மறுத்திருக்க முடியும். சட்டத்தை மதிக்காதவர் என்ற தோற்றத்தை ஏற்படுத்திக் கொள்ள அவர் விரும்ப வில்லை என்பதுதான் உண்மை. ஆனால், ஒரு குறிப்பிட்ட அளவுக்கு மேல் விசாரணை அதிகாரியார் தன்னை பதில் அளிக்க நிர்ப்பந்திக்க முடியாது என்பதை அவர் அறிந்திருந்தார்.

எனவே, மிகவும் மோசமான மதப் படுகொலை நடந்த 28.2.2002 அன்று மோடியின் நடமாட்டம் பற்றி மல் ஹோத்ரா கேட்டபோது, மோடி கூறி னார்: 28.2.2002 பிற்பகல் ஷாஹி பாக் சர்க்யூட் ஹவுஸ் இணைப்பில் செய்தியாளர்களை நான் சந்தித்தேன்.  ஒரு விசாரணைக் கமிஷன் அமைப்பது பற்றிய அறிவிப்பு வெளியிடப்பட்டுள்ளது என்பதை  அப்போது நான் ஊடகத்தி னரிடம் தெரிவித்தேன்.

அமைதியையும், மதநல்லிணக்கத்தையும் காக்கும்படி அவர்கள் மூலம் நான் பொதுமக்களுக்கு வேண்டுகோள் விடுத்தேன். அன்றைய தினமே, அமைதியையும் மத நல்லிணக் கத்தையும் பாதுகாக்க வேண்டும் என்று பொது மக்களுக்கு நான் வெளியிட்ட வேண்டுகோள் பற்றிய ஒரு செய்தி தூர்தர்ஷன் தொலைக் காட்சியில் தொடர்ந்து ஒளிபரப்பப்பட்டது என்பதை இங்கே குறிப்பிட வேண்டும்.

2001 அக்டோபரில் குஜராத் முதல மைச்சராக பொறுப்பேற்றுக் கொண்ட மோடிதான் உள்துறை அமைச்சராகவும் இருந்தார். இந்த வகையில், சட்டம், ஒழுங்கு, உளவுத் துறை, புலனாய்வு ஆகியவை அனைத்தும் அவரது நேரடிக் கட்டுப்பாட்டிற்குள் வரும். ஆனால் இவை பற்றிய பிரச்சினைகளில் சிறப்பு விசாரணைக் குழு கேள்விகள் கேட்ட போது, தனது எதுவும் தெரியாதது போலவே மோடி நடித்தார்.

உளவுத்துறை

2002 ஆம் ஆண்டில் அயோத்தி யாவில் விசுவ இந்து பரிசத் நடத்த திட்டமிட்டிருந்த ராம் மகாயக்ஞம் தொடர்பாக குஜராத் மாநில புலனாய் வுத் துறை திரட்டிய உளவுத் தகவல்கள் என்னென்ன? என்று மல்ஹோத்ரா கேட்டார்.

2001 அக்டோபரில்தான் நான் குஜராத் முதலமைச்சராக ஆனேன். அதற்குமுன் டில்லியில் பா.ஜ.கட்சியின் பொதுச் செயலாளராக நான் இருந்தேன். 2001 இல் குஜராத்தில் நடந்த நிலநடுக்கத்திற்குப் பிறகுதான், இங்கு நிவாரணப் பணியையும், மறு கட்டமைப்புப் பணியையும் செய்ய கட்சி யின் தலைமை என்னை அனுப்பியது.

ராஜ்கோட் சட்டமன்றத் தொகுதியில் போட்டி யிட்டதுதான் நான் முதன் முதலாகத் தேர்தலில் கலந்து கொண் டது என்பதை இங்கு குறிப்பிட வேண் டும். 24.2.2002 அன்று அந்த இடைத் தேர்தல் நடைபெற்றது.  ராம் மகாயக்ஞம் பற்றிய உளவுத் துறை அறிக்கைகளைப் பொருத்தவரை, அவை பொதுவாக காவல்துறை தலைவர் மற்றும் உள்துறை கூடுதல் தலைமைச் செயலாளர் ஆகிய வர்களிடம் வரும்; அலுவலக விதிகளின் படி இவ் விவகாரங்களை அவர்கள்தான் கவனித்து வந்தார்கள்.

நன்றி: தெகல்கா 12.2.2011
தமிழில்: த.க. பாலகிருட்டிணன்

http://viduthalai.in/new/page-2/4658.html

கோத்ரா தீர்ப்பும் நாட்டின் எதிர்பார்ப்பும்

<div dir="ltr" style="text-align: left;" trbidi="on">
கோத்ரா ரயில் எரிப்பில் 59 பேர் மடிந்தனர் (27.2.2002). இது தொடர்பான வழக்கில் 11 பேர்களுக்குத் தூக்கும், 20 பேர்களுக்கு ஆயுள் தண்டனையும் விதித்து சிறப்பு நீதிமன்றம் தீர்ப்புக் கூறிவிட்டது. அதற்குள் போக விரும்பவில்லை. தண்டனைக்கு ஆளானவர்களுக்கு மேல் முறையீடு செய்ய சட்டப்படி வாய்ப்புள்ளது.

அதே நேரத்தில், கோத்ரா நிகழ்வினைத் தொடர்ந்து குஜராத் மாநிலத்தில் நிகழ்த்தப்பட்ட படுகொலை களுக்கு, பொருள் இழப்புகளுக்கு, வன்முறைத் தாண்டவங்களுக்குத் தண்டனை எப்பொழுது?

கோத்ரா குற்றவாளிகள் தண்டிக்கப்பட்டதாலேயே குஜராத்தில் மோடியின் முயற்சியால் நடந்தேறிய கொலைகளை நியாயப்படுத்த முடியாது.

2000 சிறுபான்மையினர் கொல்லப்பட்டுள்ளனர். ஒரு லட்சத்து 70 ஆயிரம் வீடுகள் இடித்துத் தரை மட்டமாக்கப்பட்டன. 230 தர்க்காக்கள் மண் குவியலாகின. 4000 கார்கள், 20 ஆயிரம் இரு சக்கர வண்டிகள் சாம்பலாக்கப்பட்டன; ஆயிரம் உணவு விடுதிகள் குட்டிச் சுவர்களாக்கப்பட்டன. 3800 கோடி ரூபாய் இழப்புக்கு ஆளானார்கள்- சிறுபான்மை மக்களான முசுலிம்கள்.

இவ்வளவுக் கொடுமைகள் நிகழ்த்தப்படுவதற்கு 12 லட்சம் பேர்கள் களத்தில் இறக்கப்பட்டனர். இதன் பின்னணியில் நரேந்திர மோடி தலைமையிலான பி.ஜே.பி. அரசு இருந்திருக்கிறது.

ஏட்டிக்குப் போட்டியாகச் சொல்லப்படும் கற்பனை யல்ல இது. ஆளும் பி.ஜே.பி.யைச் சார்ந்த சட்டமன்ற உறுப்பினர்களிடமே தகவல்களை வாங்கி, தெகல்கா  ஊடகம் வெளிச்சத்துக்குக் கொண்டு வந்துவிட்டது.

48 மணிநேரம் அவகாசம் தருகிறேன்; அதற்குள் எல்லா வன்முறைகளையும் நடத்தி முடித்துவிடுங்கள் என்று தமது படைக்கு விசா வழங்கினார் எங்கள் முதலமைச்சர் மோடி என்று அவர்கள் சொல்லி யிருக்கிறார்கள். அவர் மட்டும் முதலமைச்சராக இருந்திராவிட்டால், அவரே நேரடியாக வீதிக்கு வந்து வன்முறையில் ஈடுபட்டு இருப்பார் என்றெல்லாம் கூறியிருக்கின்றனர்.

நரேந்திர மோடி தலைமையிலான பா.ஜ.க. அரசு எப்படி நடந்துகொண்டு இருக்கிறது என்பதற்கு ஓர் எடுத்துக்காட்டு:

நரோடா பாட்டியா என்னும் இடத்தில் சங் பரிவார்க் கும்பல் பந்த் நடத்தியதன் கோர விளைவால் 58 முஸ்லிம்கள், பெண்கள், குழந்தைகள் உள்படக் கொன்று குவிக்கப்பட்டனர்.

இந்தப் படுகொலையின் மீது காவல் துறையின் குற்றப் பத்திரிகை வாசகம் என்ன தெரியுமா?

கோத்ரா ரயில் பெட்டி எரிப்பு என்ற வன்முறைக்குப் பதில் தரும் வகையில் இந்த வன்முறை நடந்திருக் கிறது என்று குறிப்பிடப்பட்டுள்ளது என்றால், மோடி அரசில் பாதிக்கப்பட்டவர்களுக்கு நியாயமும், வன்முறையாளர்களுக்குத் தண்டனையும் கிடைக்கும் என்று எதிர்பார்க்க முடியுமா?

குஜராத் கலவரத்தின்போது பதிவு செய்யப்பட்ட வழக்குகள் 4252; இவற்றில் இரண்டாயிரத்துக்கும் மேற்பட்ட வழக்குகள் பிறகு விலக்கிக் கொள்ளப்பட்டன. இதுகுறித்து உச்சநீதிமன்ற அமர்வு (நீதிபதிகள் ரூமாபால், சின்ஹா மற்றும் கபாடியா அடங்கியது) என்ன ஆணையிட்டது தெரியுமா?  அத்தனை வழக்குகள்மீதும் புதிய விசாரணை நடத்த வேண்டும் என்பதுதான் அந்த ஆணை (17.8.2004).

மோடி அரசு மிக மோசமான அரசு என்பதற்கு இதைவிட மொத்து ஒன்று தேவையா?

குஜராத்தில் வதேரா என்னும் இடத்தில் முசுலிம் ஒருவருக்குச் சொந்தமான பெஸ்ட் பேக்கரி, அதில் பணிபுரிந்த 14 பேர்கள் உயிரோடு வைத்துக் கொளுத் தப்பட்டனர். மிகக் குரூரமான இந்தப் படுகொலையைப் படுதா போட்டு மறைக்க முடியவில்லை. 21 பேர் மீது குற்றப் பத்திரிகை தயார் செய்யப்பட்டது.

செஷன்ஸ் நீதிபதியின் தீர்ப்பு என்ன தெரியுமா? 21 பேர்களும் குற்றவாளிகள் அல்லர் என்று கூறி விடுதலை செய்யப்பட்டனர். சாட்சிகள் பல்டியடித்தனர். இதன் காரணம் வெளிப்படையே!

இந்தத் தீர்ப்பினை வழங்கிய நீதிபதிக்கு வெகுமதி கொடுக்கப்படவேண்டாமா? குஜராத் மாநிலத்தில் மின் வாரியத்தின் ஆலோசகராக மாதம் ரூ.30 ஆயிரம் சம்பளத்தில்!

வழக்கு உச்சநீதிமன்றம் சென்றது. நீதிபதிகள் கடுமையாகச் சாடினர். குஜராத் மாநிலத்திற்குள் இந்த வழக்கு நடத்தப்பட்டால், நீதி கிடைக்காது என்று கூறி, மகாராட்டிர மாநிலத்திற்கு மாற்றப்பட்டது. மோடி அரசு நியமித்திருந்த வழக்கறிஞர்களைத் தூக்கி எறிந்து விட்டு, நீதிமன்றமே புதிய வழக்குரைஞர்களை நியமனம் செய்தது என்றால், குஜராத் முதலமைச்சர் நரேந்திர மோடியின் யோக்கியதையைத் தெரிந்துகொள்ளலாமே!

நீரோ மன்னன் என்ற அடைமொழியையும் தந்தது உச்சநீதிமன்றம். கோத்ரா ரயில் பெட்டி எரிப்பில் குற்ற வாளிகள் தண்டிக்கப்படட்டும். அதனைத் தொடர்ந்து நடத்தப்பட்ட படுகொலைகளுக்குக் காரணமானவர் களுக்குத் தண்டனை என்னவென்று நாடே எதிர்பார்க்கிறது.
http://viduthalai.in/new/page-2/4537.html</div>

குஜராத் கலவரம்-காவல்துறை அதிகாரி சிறீகுமாரின் சாட்சியத்தை சிறப்பு விசாரணைக் குழு ஏற்றுக் கொள்ளவில்லை

குஜராத் 9.4.2002 அன்று ஆர்.பி.சிறீகுமார் மாநில புலனாய்வுத் துறை கூடுதல் காவல்துறைத் தலைவ ராகப் பொறுப்பேற்றுக் கொண்டார்.

முஸ்லிம் சமூகத்தினைச் சேர்ந்த சிலரை தீர்த்துக்கட்டுவது உள்ளிட்ட மோடியின் சட்டத்திற்குப் புறம்பான, அரசமைப்பு சட்டத்திற்கு எதிரான அறிவுரைகளின் படி தான் நடந்து கொள்ளாததால், மோடியின் வெறுப்புக்குத் தான் ஆளான தாக அவர் கூறினார். சிறீகுமார் அளித்த ஆவண ஆதாரங்களில், கீழ்க் குறிப்பிடப்பட்டுள்ளவையும் அடங்கும்.

1) அகமதாபாத் நகரில் தற்போது நிலவும் சமூக நிலவரம் என்ற அறிக் கையைத் தயார் செய்து அப்போதைய உள்துறை கூடுதல் தலைமைச் செய லாளராக இருந்த அசோக் நாராயணி டம் 24.4.2002 அன்று பொருத்தமான நடவடிக்கை மேற்கொள்ள அளிக்கப் பட்டது. அந்த அறிக்கையில் குறிப்பிடப் பட்டிருந்த முக்கியமான செய்திகள்:

அ) குற்றவியல் நீதித்துறை நடை முறையின்மீது கலவரங்களால் பாதிக் கப்பட்ட மக்கள் நம்பிக்கை இழந்து விட் டனர். பா.ஜ.க. மற்றும் வி.இ.ப. உறுப் பினர்களுக்கு எதிராக புகார்களை அளிக்க விடாமல் அவர்களைக் காவல் துறையினர் மிரட்டினர்.

ஆ) புகார்களில் அளிக்கப்பட்ட குற்றச் சாற்றுகளை காவல்துறை அதி காரிகள் நீர்த்துப் போகச் செய்ததுடன், முதல் தகவல் அறிக்கைகளைத் தனித் தனியாகப் பதியாமல், ஒன்றுக்கும் மேற் பட்டவற்றை ஒன்றாக இணைத்தனர்.

இ) முஸ்லிம்களுடன் வியாபாரம் செய்யக்கூடாது என்று வி.இ.ப. மற்றும் பஜ்ரங்தள் அமைப்பினர் வியாபாரிகளை வற்புறுத்தினர்.

ஈ) மத உணர்வுகளைத் தூண்டி விடும் அளவுக்கான செய்திகள் அடங் கிய பிரசுரங்களை வி.இ.ப. அமைப்பினர் விநியோகித்து வந்தனர்.

உ) காவல் நிலையங்களில் இருந்த ஆய்வாளர்கள் மேலதிகாரிகளின் அறி வுரைகளைப் புறக்கணித்துவிட்டு, அதற்கு மாறாக பா.ஜ.க. தலைவர்களின் நேரடியான வாய்மொழி அறிவுரை களைப் பின்பற்றினர்.

இந்த அறிக்கை உண்மையானது என்பதைக் கண்டு கொண்டது மட்டு மன்றி, மற்ற சில அதிகாரிகள் தயாரித்த அறிக்கைகள் சிறீகுமார் அறிக்கை யுடன் ஒத்துப் போவதாகவும் சிறப்பு விசாரணைக் குழு கண்டுகொண் டுள்ளது.

இது பற்றி சிறப்பு விசாரணைக் குழு கேட்டபோது, அந்த அறிக்கையை மோடியிடம் வைத்தேனா இல்லையா என்பது எனக்கு நினைவில்லை என்று அசோக் நாராயண் கூறினார்.

நீறு பூத்த நெருப்பு

2) குஜராத் மாநிலத்தின் பல பகுதிகளிலும் மத உணர்வுகள் இன்னும் நீறு பூத்த நெருப்பாகக் கனன்று கொண்டிருப்பதால், மோடி மேற்கொள்ள உத்தேசித்திருந்த ரத யாத்திரைக்கு எதிராக மற்றொரு அறிக்கையை 25.6.2002 அன்று சிறீகுமார் அனுப்பி வைத்தார். அவரது பரிந்துரையை மோடி அரசு நிராகரித்துவிட்டது.

3) மக்களிடையே மத உணர்வுகள் தொடர்ந்து பதற்றத்தை ஏற்படுத்தி வருவதை எடுத்துக்காட்டி, நியாயமற்ற காவல்துறை நடவடிக்கைகள் பற்றியும், கண்துடைப்பு விசாரணை பற்றியும் சிறுபான்மை மக்கள் தொடர்ந்து புகார் செய்து வருவதை எடுத்துக்காட்டியும் 20.8.2002 அன்று சிறீகுமார் மற்றொரு அறிக்கையைத் தயார் செய்து அனுப் பினார்.

இந்த அறிக்கை மீது அரசு நட வடிக்கை எடுக்கவில்லை என்று அசோக் நாராயண் சிறப்பு விசாரணைக் குழுவிடம் ஒப்புக் கொண்டார்.

4) நடக்க இருக்கும் சட்டப்பேரவைத் தேர்தல்களை ஒட்டி நிலவும் உள்நாட்டுப் பாதுகாப்பு நிலை பற்றிய மற்றொரு அறிக்கையை 28.8.2002 அன்று சிறீகுமார் தயாரித்து அளித்திருந்தார். அந்த கடிதத்தின் மீது என்ன நடவடிக்கை எடுக்கப்பட்டது என்பதைத் தன்னால் நினைவுபடுத்திக் கூற முடியவில்லை என்று அசோக் நாராயண் கூறினார்.

5) பின்னர் நானாவதி-ஷா கமிஷன் முன் சிறீகுமார் மூன்று பிரமாண வாக்குமூலங்களைப் பதிவு செய்தார். சபர்மதி ரயில் எரிப்பைத் தடுக்க மாநில மற்றும் மத்திய புலனாய்வுத் துறைகள் எவ்வாறு தவறிவிட்டன என்பதை முதல் பிரமாண வாக்குமூலம் விவரித்தது. மாநிலப் புலனாய்வுத் துறையின் அறிக்கை களை மோடி அரசு வேண்டுமென்றே கவனிக்காமல் புறக்கணித்தது என்று இரண்டாவது பிரமாண வாக்குமூலம் குற்றம் சாற்றியது.

சட்டப்பேரவைத் தேர்தல்களை முன்னதாக நடத்துவதற்கு ஏற்றபடி மாநிலத்தில் நிலவும் சட்டம் ஒழுங்கு நிலையைப் பற்றி ஆதரவான அறிக்கை அளிக்கும்படி மோடியின் அதி காரிகள் எவ்வாறு தன்னை நிர்ப்பந்தித் தனர் என்பதை மூன்றாவது பிரமாண வாக்குமூலத்தில் அவர் பதிவு செய்திருந் தார்.

அப்போதைய தலைமைத் தேர்தல் அதிகாரி கே.எம்.லிங்கோத் தலைமை யில் 9.8.2002 அன்று நடைபெற்ற கூட்டத்தில் தவறான தகவல்களை அளித்ததற்காக மாநில உள்துறை அதி காரிகளை அவர் கண்டித்த நிகழ்ச்சி யையும் சிறீகுமார் விவரித்திருந்தார். 16.8.2002 பிறப்பித்த ஓர் ஆணையில் லிங்கோத் குறிப்பிட் டிருந்தார்:

182 சட்டமன்றத் தொகுதிகளில் 154 தொகுதிகளைச் சேர்ந்த 151 நகரங் களும், 993 கிராமங்களும் கலவரங் களால் பாதிக்கப்பட்டிருந்தன என்று கூடுதல் காவல்துறைத் தலைவர் சிறீகுமார் தேர்தல் ஆணையத்தின் முன் கூறியது குறிப்பிடத்தக்கது.

மேலும், சட்டத்திற்குப் புறம்பான, அரசமைப்பு சட்டத்திற்கு மாறான செயல் களைச் செய்யும்படி மோடியும் அவரது அதிகாரிகளும் தனக்கு வாய்மொழி ஆணைகளைப் பிறப்பித்ததாகவும் சிறீகுமார் தனது பிரமாண வாக்குமூலத் தில் குற்றம் சாற்றியிருந்தார்.

இவ்வாறு பிறப்பிக்கப்பட்ட ஆணைகளில் சில:

அ) காங்கிரஸ் தலைவர்கள், மோடி யின் போட்டியாளர்கள், ஹிரேன் பாண் டியா போன்ற பா.ஜ.கட்சிக்கு உள்ளேயே இருப்பவர்கள் ஆகியோரின் தொலைப் பேசிப் பேச்சுகளைப் பதிவு செய்வது.

ஆ) மோடியின் அரசியல் நலன் களுக்கு ஏற்றவாறான அறிக்கைகளை அளித்தல்.

இ) மோடியின் ரத யாத்திரைக்குக் குந்தகம் விளைவிக்க முயலும் முஸ்லிம் களை ஒழித்துக்கட்டுவது.

ஈ) மாநிலத்தில் சட்டம் - ஒழுங்கை நிலைநிறுத்த குஜராத் காவல்துறைக்கு உதவி செய்து வந்த மத்திய ராணுவப் படைத் தலைவர் ஜஹுருடீன் ஷா-வின் தனிப்பட்ட வாழ்க்கை பற்றிய செய்தி களைத் துப்பறிந்து கூறுவது.

சட்டத்திற்குப் புறம்பான இத்தகைய வாய்மொழி ஆணைகளைப் பதிவு செய்யும் பதிவேடு ஒன்றையும் சிறீகுமார் பராமரித்து வந்தார். ஆனால் சிறப்பு விசாரணைக் குழுவோ, சிறீகுமார் பராமரித்து வந்த பதிவேடு உள்நோக்கம் கொண்டதாகத் தோன்றுவதால், அதன் மீது எந்த நம்பிக்கையும் வைக்க முடி யாது என்பதாலும், சிறீகுமாரின் வாய் மொழி சாட்சியத்தை வேறு எந்த ஒரு சுதந்திரமான சாட்சியும் உறுதிப்படுத்த வில்லை என்பதாலும், அதனை நம்பிக் கைக்குகந்த ஓர் ஆவணமாகக் கருத முடியாது என்ற முடிவுக்கு வந்துள்ளது.

சுதந்திரமான சாட்சியங்கள் என்பதன் மூலம் அசோக் நாராயண், கே.சக்ரவர்த்தி, பி.சி.பாண்டே போன்ற அதிகாரிகளை சிறப்பு விசாரணைக் குழு குறிப்பிடுகிறது.

இந்த அதிகாரிகள் ஓய்வு பெற்ற பின்னர் அதிகாரமும் செல்வாக்கும் மிகுந்த பதவிகளை மோடி பரிசாக அளித்தார் என்பதால், அவர்கள் நேர்மையாகப் பேசுவதாகத் தோன்ற வில்லை என்று சிறப்பு விசாரணைக் குழுவே ஒப்புக் கொண்டுள்ளது.

நானாவதி-ஷா கமிஷன் முன்னி லையில் தான் எவ்வாறு சாட்சியம் அளிக்கவேண்டும் என்று பயிற்சி அளித்து, அச்சுறுத்திய உள்துறைச் செயலாளர் ஜி.சி.முர்மு, உள்துறை அதிகாரி தினேஷ் கபாடியா மற்றும் மாநில அரசின் சிறப்பு குற்றவியல் வழக்கறிஞர் அர்விந்த் பாண்டியா ஆகியோரின் பேச்சுகளைப் பதிவு செய்த ஒலிநாடாவையும் தனது மூன்றாவது பிரமாண வாக்குமூலத்துடன் சிறீகுமார் அளித்திருந்தார்.

இந்த ஒலிப்பதிவு உண்மையானது தான் என்று சிறப்பு விசாரணைக் குழு கண்டு கொண்டபோதும், பதவி உயர்வு அளிப்பதில் தனது பணிமூப்பைப் புறக் கணித்த பின்னர் ஏற்பட்ட கடுங்கோபத் தினால்தான் சிறீகுமார் இந்த ஒலி நாடாவை அளித்துள்ளார் என்று விசா ரணைக் குழு குற்றம் சாற்றியுள்ளது.

மோடி அரசின் மத மற்றும் அரசியல் செயல் திட்டங்களுக்கு எதிராக சிறீகுமார் தொடர்ந்து மேற்கொண்டு வந்த நிலைப்பாட்டைப் போற்றுவதற்கு சிறப்பு விசாரணைக் குழு தவறிவிட்டது.

மாநிலப் புலனாய்வுத் துறையின் தலைவராக நியமிக்கப்பட்ட தேதியிலி ருந்து ஒன்பது நாள்களுக்குப் பிறகு 18.4.2002 முதல் இந்தப் பதிவேட்டை சிறீகுமார் பராமரித்து வருகிறார். அப் போதைய நிருவாகம் மற்றும் பாதுகாப்பு காவல்துறைத் தலைவர் ஓ.பி. மாத்தூர் அவர்களைக் கொண்டு இந்தப் பதிவேட் டில் சான்றொப்பம் பெறப்பட்டுள்ளது.

நன்றி: தெகல்கா 12.2.2011
தமிழில்: த.க. பாலகிருட்டிணன்

http://viduthalai.in/new/page-2/4410.html 

குஜராத் மதக்கலவரப் படுகொலைகளில் பங்கேற்ற பாஜ.க., வி.இ.ப. தலைவர்கள் காவல்துறையினரால் வேண்டுமென்றே விசாரிக்கப்படவில்லை

குஜராத் கலவரங்களில் நரோடா காவுன், நரோடா பாடியா மற்றும் குல்பர்கா சொசைடி படுகொலைகளைப் பற்றி விசாரணை செய்த குஜராத் காவல் துறையினர் கலவரக்காரர்கள் மற்றும் பா.ஜ.க., வி.இ.ப. மூத்த தலைவர்களி டையே இருந்த தொடர்பைப் பற்றி விசாரிக்கவே இல்லை. உள்துறையை வைத்திருந்த முதலமைச்சர் நரேந்திர மோடி விரும்பியிருந்தால், கலவரங் களின்போது நிலைமையை மிக எளி தாகக் கட்டுக்குள் கொண்டு வந்திருக்க முடியும் என்பதும், அதன்பின் நடத் தப்பட்ட விசாரணை நியாயமானதாக வும், வெளிப்படையானதாகவும் இருந் திருக்கக்கூடும் என்பதும் வலியுறுத்து வது முக்கியமானது.

ஆனால் அதற்கு நேர்மாறாகத்தான் நடந்தது. பவநகரிலிருந்து வெளியே தள்ளப்பட்ட காவல்துறை அதிகாரி ராகுல் சர்மா கலவரங்களின்போது அகமதாபாத் நகரில் செயல்பட்ட அனைத்து கைப்பேசி அழைப்புகள் பற்றிய புள்ளிவிவரங்கள் கொண்ட ஆவணங்களைத் திரட்டி வைத்திருந் தார். இந்த கைப்பேசி அழைப்பு ஆவ ணங்களின் நகல்களை சர்மா தனது மேல் அதிகாரிகளுக்கு மட்டுமன்றி, நானாவதி-ஷா கமிஷன் முன்பும், பானர்ஜி கமிஷன் முன்பும் சமர்ப்பித்தார். கலவரங்களில் பங்கு கொண்டதாகக் குற்றம் சாற்றப்பெற்ற ஜடாபியா, மாயாபென் கொண்டானி, ஜெய்தீப் படேல், பாபு பஜ்ரங்கி, எம்.கே.டாண்டன், பி.பி.கோண்டியா மற்றும் பல பத்து சங்பரிவார் உறுப்பினர்களுக்கு எதிராக ஒரு முக்கியமான சாட்சியமாக இந்தக் கைப்பேசி அழைப்புகள் ஆவணமாக விளங்குகிறது.

கலவர வழக்குகள் குஜராத் காவல் துறையின் கைகளில் இருந்தபோது, இந்த ஆவணங்களைப் பரிசீலித்து, குற்றவாளிகளைப் பிடிக்க காவல்துறை எந்த முயற்சியும் மேற்கொள்ளவில்லை என்று சிறப்பு விசாரணைக் குழு தெரி விக்கிறது. இவ்வாறு செய்யத் தவறிய குற்றத்தை, பொறுப்பை மாநகரக் காவல் துறை ஆணையர் மீதோ, காவல்துறை தலைவர் மீதோ, உள்துறை அமைச்சர் மீதோ சுமத்தாமல், சாதாரண நிலையில் உள்ள காவல்துறை அதிகாரிகளின் மீது சுமத்துவதில் சிறப்பு விசாரணைக் குழு மகிழ்ச்சி அடைந்தது என்பது மிகவும் வியப்பளிக்கிறது.

விசாரணைக் குழு தெரிவிக்கிறது: அப்போது காவல் துறை ஆய்வாளராக இருந்து, தற்போது சிறப்பு செயல்திட்டப் பிரிவின் அகமதாபாத் உதவி காவல் துறை ஆணையராக உள்ள தாருன் பாரட் மற்றும், அப்போது குற்றப் பிரிவு உதவி ஆணையராக இருந்த, இப்போது அகமதாபாத் பயங்கரவாத எதிர்ப்புக் குழுவின் அகமதாபாத் கண்காணிப்பாள ராக உள்ள ஜி.எல். சிங்கால் ஆகியோர் கைப்பேசி அழைப்புகள் ஆவணத்தைப் பரிசீலித்து நடவடிக்கை எடுக்கத் தவறி விட்டனர்; அவர்களுக்குக் கடும் தண் டனை அளிக்கப்படுவதுடன், அவர்கள் மீது இலாகா நடவடிக்கையும் எடுக்கப்பட வேண்டும்.

இதுபோன்ற கண்துடைப்பு விசார ணைகள் மேலிடத்தின் அனுமதியின்றி நடைபெற்றன என்பதை மக்கள் நம்ப வேண்டுமென்று சிறப்பு விசாரணைக் குழு விரும்புகிறதா? ஒரு சில கீழ்நிலையில் உள்ள காவல்துறை அதிகாரிகள் தாங் களாகவே செயல்பட்டிருக்க முடியுமா? பா.ஜக., வி.இ.ப. தலைவர்களைப் பற்றி விசாரணை நடத்தாமல் இருப்பதற்கான கட்டாயம், காரணம், விருப்பம் யாருக்கு இருக்கும்? ஒரு காவல்துறை ஆய்வாள ருக்கும், ஒரு உதவி காவல்துறை ஆணை யருக்கும் இருந்திருக்குமா? அல்லது பா.ஜ.க., வி.இ.ப. தலைமைக்கு இருந் திருக்குமா? இந்த அடிப்படைக் கேள்வி களைக் கேட்டு அவற்றுக்கான பதில் களை சிறப்பு விசாரணைக் குழு தேட வில்லை என்பது வருத்தமளிப்பதாக இருக்கிறது.

கோத்ரா ரயில்பெட்டி எரிப்பில் உயிரிழந்தவர்களின் உடல்களை அவர்களது உறவினரிடம் ஒப் படைக்காமல், விசுவ இந்து பரிசத் திடம் ஒப்படைத்தது, மக்களின் உணர்ச்சி யைத் தூண்டுவதாக அமைந்தது. ஆனால் இந்தக் குற்றத்தையும், சிறப்பு விசார ணைக் குழு கீழ் நிலைக் காவல் துறை அதிகாரி மீதே சுமத்துகிறது.

சபர்மதி விரைவு ரயில் பெட்டி எரிப்பில் உயிரிழந்தவர்களின் உடல்களை வி.இ.பரி சத்திடம் ஒப்படைப்பதை அனுமதித்தார் என்பது மோடி மீதுள்ள ஒரு முக்கிய குற்றச்சாற்றாகும். பின்னர் வி.இ.ப. அந்த உடல்களை அகமதாபாத் நகரில் ஊர்வலமாக எடுத்துச் சென்றதுதான், மத உணர்வுகளைக் கொலை வெறியாக மாறத் தூண்டியது; ஏற்கனவே பதற்றம் நிறைந்திருந்த சூழ்நிலையை மேலும் மோசமாக ஆக்கியது.

அப்போது கோத்ரா மாவட்ட மாஜிஸ் டிரேட்டாக இருந்த ஜெயந்தி ரவி என்ப வரின் அறிவுரைகளின்படி, ரயில்பெட்டி எரிப்பில் உயிரிழந்த 54 பேரின் உடல்கள் வி.இ.ப. தலைவர்கள் ஜெய்தீப் படேல், ஹஷ்முக் படேல் ஆகியோரிடம் ஒப்படைத் ததாக அப்போது கோத்ரா நிருவாக மாஜிஸ்டிரேட்டாக இருந்த எம்.எல். நால்வயா சிறப்பு விசாரணைக் குழுவின் முன் சாட்சியம் அளித்துள்ளார். ஆனால் இந்திய ஆட்சிப் பணி அதிகாரியான ஜெயந்தி ரவி இதனை மறுத்து, தன் கீழ் வேலை செய்த நால்வயா இந்த முடிவை அவரே மேற்கொண்டார் என்று கூறி யுள்ளார்.

ஜெயந்தி ரவி, ஜெய்தீப் படேல், அமைச்சர்கள் அசோக் பட், பிரபாத் சிங் சவுகான், கோர்தான் ஜடாபியா, நரேந்திர மோடி ஆகியோர் தாளிட்ட அறைக்குள் நடத்திய கூட்டம் ஒன்றில், இறந்தவர்களின் உடல்களை அகமதா பாத்துக்குக் கொண்டு செல்வது என்ற முடிவு எட்டப்பட்டது என்று சிறப்பு விசாரணைக் குழு தெரிவிக்கிறது. ஆனால், இறந்தவர்களின் உடல்களை வி.இ.பரிசத்திடம் ஒப்படைப்பது என்ற முடிவை யார் எடுத்தார் என்ற கேள்வி வரும்போது மட்டும், நிருவாக மாஜிஸ் டிரேட் நால்வயாவை சிறப்பு விசாரணைக் குழு குற்றம் சாற்றுகிறது. (பக்கம் 23-24).

ஒரு கீழ்நிலை அதிகாரியான நால்வயா இது போன்றதொரு பெரிய முடிவை அவராகவே எடுத்திருக்க முடியுமா? நால்வயா கூறியதை ஒதுக்கிவிட்டு, ஜெயந்தி ரவி கூறியதை மட்டும் ஏற்றுக் கொள்ள சிறப்பு விசா ரணைக் குழு விரும்பியதேன்?

இறந்தவர்களின் உடல்களை அகம தாபாத்துக்குக் கொண்டு செல்வதை தான் எதிர்த்ததாகவும், ஆனால் மோடி அதனை நிராகரித்துவிட்டார் என்றும் 2002 இல் கவலைப்படும் மக்களின் தீர்ப்பாயத்தின் முன் சாட்சியம் அளிக் கையில் ஜெயந்தி ரவி கூறியுள்ளார். ஆனால் பின்னர் அவர் தனது சாட்சி யத்தை மாற்றிக் கொண்டார். தற்போது அவர் அரசின் உயர்கல்வி ஆணையர் என்னும் அதிகாரம் நிறைந்த பதவி வகிக்கிறார்.

மோசமான நிகழ்ச்சி நடந்த 27-2-2002 அன்றே எரிந்துபோன 54 உடல் களும் அய்ந்து டிரக்குகளில் அகமதா பாத்துக்கு காவல்துறைப் பாதுகாப்புடன் கொண்டுவரப்பட்டன. இந்த 54 உடல் களில் அகமதாபாத்தைச் சேர்ந்தவர்கள் 25 பேர் மட்டுமே என்று அடையாளம் காணப்பட்டது. சில உடல்கள் அவர் களின் உறவினர்களிடம் ஒப்படைக்கப்பட் டன. மற்றும் சில ஒட்டு மொத்தமாக எரிக்கப்பட்டன.

அகமதாபாத்தில் சவஊர்வலம் நடைபெற்றதா என்ற கேள்வியைப் பொறுத்தவரை சிறப்பு விசாரணைக் குழு மவுனம் காக்கிறது. கோத்ராவில் இருந்து அகமதாபாத் துக்கு உடல்கள் ஊர்வலமாக எடுத்து வரப் படவில்லை என்று மோடி கூறியதை மட்டும் சிறப்பு விசாரணைக் குழு ஏற்றுக் கொண்டுள்ளது. ஆனால் இந்தக் கூற்றை சிறப்பு விசாரணைக் குழு ஏற்றுக் கொண்டதற்கு எந்த ஒரு ஆவ ணத்தின் சாட்சியத்தின் அடிப்படையும் இல்லை. சுதந்திரமான, தனிப்பட்ட சாட்சிகள் எவரையும் அது விசாரிக்கவும் இல்லை.

கலவரங்களின்போது ராணு வத்தை அழைப்பதில் எந்தத் தாம தமும் இல்லை என்று கூறும் சிறப்பு விசாரணைக் குழு, வந்த ராணுவத்தை கலவரப்பகுதி களுக்கு அனுப்புவதில் மட்டும் ஏன் கால தாமதம் ஏற்பட்டது என்பது பற்றி விசாரிக்காமல் மவுனம் காக்கிறது.

மாநிலத்தில் நிலவிய கலவரச் சூழ் நிலையில், தங்களுக்கு ராணுவத்தின் உதவி பிப்ரவரி 27 அன்றே தேவைப் படலாம் என்று மாநில அரசு ராணுவத் திற்கு எச்சரித்துவிட்டது என்பதை சிறப்பு விசாரணைக் குழுத் தலைவர் ராகவன் மாநில அரசுக்கு ஆதரவான தனது குறிப்பில் தெரிவிக்கிறார். மாநி லத்தில் சட்டம் ஒழுங்கு சீர்குலைந்து வருவதைப் பற்றி மத்திய உள்துறை அமைச்சர் எல்.கே. அத்வானியிடமும் மோடி பேசியுள்ளார்.

இதனைத் தொடர்ந்து 28-2-2002 அன்று ஒரு தொலைப்பதிவிக் கடிதமும் மத்திய அரசுக்கு அனுப்பப்பட்டுள்ளது. பிப்ரவரி 28 - மார்ச் 1 இரவு நேரத்தில் ராணுவ வீரர்கள் அகமதாபாத்துக்கு வந்து சேரத் தொடங்கிவிட்டனர். ராணு வத்தை அழைப்பதில் மாநில அரசு மெத்தனமாக இருக்கவில்லை என்பது தெளிவாக மெய்ப்பிக்கப் பட்டுள்ளது என்று ராகவன் முடிக்கிறார்.

என்றாலும், ராணுவம் வந்துவிட்டால் மட்டும் போதாது. அதற்கு மாநில அரசின் ஆதரவும் இருக்க வேண்டும். மார்ச் 1 ஆம் தேதி பிற்பகல் 2.30 மணி அளவில்தான் மோடி அரசு ராணுவத் தினரை எங்கே அனுப்பப்படவேண்டும் என்பதை முடிவு செய்தது. அதற்குள் பெருமளவிலான பயங்கரம் நேர்ந்து விட்டது. வந்த ராணுவ வீரர்களை கலவர இடங்களுக்கு அனுப்புவதில் ஏற்பட்ட தாமதத்தை, மெத்தனத்தை மட்டும் விசாரணைக் குழு அறிக்கை பதிவு செய்துள்ளதே அன்றி, அதனைப் பற்றி எந்தக் கருத்தும் கூறாமல் மவுனம் காத்தது.


நன்றி: தெகல்கா, 12.2.2011
தமிழில்: த.க. பாலகிருட்டிணன்

http://viduthalai.in/new/page-2/3920.html 

தெகல்கா வெளிச்சத்துக்குக் கொண்டு வந்தது குஜராத் கலவர வழக்குகளின் அரசு வழக்கறிஞர்கள் சங்பரிவாரைச் சேர்ந்தவர்களே

கலவரங்களின்போது முஸ்லிம் மத மக்களுக்கு எதிராக பாகுபாடு காட்டும் வெறுப்புணர்வு கொண்டவரது ஆபத்து நிறைந்த நடத்தையை மோடி வெளிப்படுத் தினார். ஆனாலும் அவர் மீது குற்றச்சாற்று பதிவு செய்ய போதுமான சாட்சியம் இல்லை என்று சிறப்பு விசாரணைக் குழு கூறுகிறது.

தனது மாநிலத்தில் 2000-க்கும் மேற்பட்ட மக்கள் படுகொலை செய்யப்பட்ட தற்கு, சட்டப்படி இல்லா விட்டாலும், தார்மீக ரீதியிலாவது ஒரு முதலமைச்சரை பொறுப்பாக்க என்ன செய்ய வேண்டும்?

சிறப்பு விசாரணைக் குழு அறிக்கையின் 67 ஆம் பக்கத்தில் மல்ஹோத்ரா குறிப்பிடு கிறார்: 27-2-2002 அன்று கோத்ராவுக்குச் சென்றதாக முதலமைச்சர் நரேந்திர மோடி ஒப்புக் கொண்டுள்ளார். குல்பர்கா சொசைடி, நரோடா பாடியா, மற்றும் கலவரங் களால் பாதிக்கப்பட்ட அகமதாபாதின் இதர பகுதிகளையும் தான் மார்ச் 5, 6 தேதிகளில் சென்று பார்த்ததாக மோடி ஒப்புக் கொண் டுள்ளார். இது அவரது பாகுபாடு காட்டும் மனப்பான்மையைக் காட்டுகிறது. ஒரே நாளில் 300 கி.மீ. பயணம் செய்து கோத் ராவுக்குச் சென்று வந்த அவர், உள்ளூர் பகுதிகளில் மோசமான கலவரங்கள் நடந்து, பெரும் அளவிலான முஸ்லிம் மக்கள் கொல்லப்பட்ட பகுதியை உடனே சென்று பார்க்கத் தவறிவிட்டார்.

எதிர் வினையாம்!

குஜராத்தில் மதக் கலவரங்கள் கொழுந்துவிட்டு எரிந்து கொண்டிருந்த 2002 மார்ச் 1 ஆம் தேதியன்று ஜீ செய்தித் தொலைக்காட்சிக்கு அளித்த பேட்டியில் மோடி குறிப்பிட்டுள்ளார்: நடவடிக்கைக்கு எதிர்நடவடிக்கை என்ற நடைமுறை நடந்து கொண்டிருக்கிறது. ஒரு செயல் நடை பெறாமல் இருந்திருந்தால், அதற்கு எதிர்வினை என்று எதுவும் நிகழ்ந்திராது என்றுதான் நான் கூறுவேன். கோத்ரா முஸ்லிம்கள் குற்றவியல் மனப்பாங்கைக் கொண்டிருந்ததாகவும், சபர்மதி ரயில் தீ விபத்துக்குப் பின்னணியில் அவர்கள் இருந்தனர் என்றும் அதே பேட்டியில் மோடி கூறியுள்ளார். குஜராத்தில் அதன் பின் நடந்த கலவரங்கள் அதன் இயல்பான எதிர்வினைதான் என்றும் மோடி கூறியுள்ளார்.

தனது அறிக்கையின் 69 ஆவது பக்கத்தில் மல்ஹோத்ரா குறிப்பிடுகிறார்:
குல்பர்கா சொசைடி அருகே கூடியி ருந்த கலவரக் கும்பல் மீது இறந்து போன முன்னாள் நாடாளுமன்ற உறுப்பினர் ஈஷான் ஜாஃப்ரிதான் முதலில் துப்பாக்கியால் சுட்டார் என்றும், அதனால் கோபமடைந்த கலவரக்காரர்கள் சொசைடிக்குள் நுழைந்து தீ வைத்தனர் என்றும் ஜீ தொலைக் காட்சி பேட்டியில் நரேந்திர மோடி தெளிவாகக் கூறியிருக்கிறார் என்பது குறிப்பிடப்பட வேண்டியது. இந்தப் பேட்டியில் ஈஷான் ஜாஃப்ரி துப்பாக்கியால் சுட்டதுதான் வினை என்றும், அதனைத் தொடர்ந்த படு கொலைகள் எதிர்வினையென்றும் அவர் தெளிவாகக் குறிப்பிட்டுள்ளார்.

மல்ஹோத்ரா மேலும் எழுதுகிறார்:

குல்பர்கா சொசைடி மற்றும் இதர இடங்களிலும் முஸ்லிம்கள் மீது மேற்கொள் ளப்பட்ட பயங்கரமான வன்முறைத் தாக்கு தல்களுக்குப் பின்னும், அரசிடமிருந்து வந்த எதிர்ச் செயல், காட்டிய பிரதிபலிப்பு எவர் ஒருவரும் எதிர்பார்க்கக் கூடிய வகையில் இருக்கவில்லை. குல்பர்கா சொசைடி, நரோடா பாடியா மற்றும் இதர இடங்களில் நிலவிய தீவிரத் தன்மையை, ஒவ்வொரு செயலுக்கும் எதிர்ச் செயல் இருக்கத்தான் செய்யும் என்று கூறியதன் மூலம் நீர்த்துப் போகச் செய்யும் முயற்சியையே முதலமைச்சர் மேற்கொண்டார் என்பதை மேற்கூறிய கலந்துரையாடல் காட்டுகிறது. மோடியின் கூற்று, சிறுபான்மை சமூக அப்பாவி உறுப் பினர்கள் கொல்லப்பட்டதை நியாயப்படுத் துவதாகவே இருந்தது. பாகுபாடு காட்டும் இத்தகைய மனநிலை ஒரு முதலமைச்சரிடம் எதிர்பார்க்கக்கூடியது அல்ல. மோடி கூறியது முக்கியமான பெரும் பாதிப்பை ஏற்படுத்துவதாகவும், அதிர்ச்சி தரத்தக்கதாகவும் இருக்கிறது என்று ராகவன் குறிப்பிடுகிறார். என்றாலும், மோடிக்கு எதிராக ஒரு வழக்கைத் தொடரத் தேவையான ஆதாரங்கள் போது மானவையாக இல்லை என்று மல்ஹோத்ரா முடிக்கிறார்.

வழக்கறிஞர்கள் காவிகளே! காவி உடைப் படை உறுப்பினர்களையே அரசு குற்றவியல் வழக்கறிஞர்களாக கலவர வழக்குகளில் குஜராத் அரசு நியமித்தது. ஆனால் அவர்கள் தவறாக நடந்து கொண் டார்கள் என்று குறிப்பிட்டுக் காட்டுவது எளிதாக இல்லை என்று விசாரணைக் குழு தெரிவிக்கிறது.

இந்த விரிவான பகுத்தாய்வு காட்டுவது போல், ஒவ்வொரு அம்சத்திலும் சிறப்பு விசாரணைக் குழுவின் அறிக்கை முரண் பாடுகளைப் பற்றிய ஒரு முழுமையான ஆய்வாக அமைந்துள்ளது. பல விஷயங் களில் மோடி அரசின் நெறி தவறிய செயல் களை விசாரணை அலுவலர் ஒப்புக் கொண் டாலும் மேலும் விரிவான விசாரணை ஒன்றை நடத்துவதற்குப் பரிந்துரைப்பதில் காரணம் கூற இயலாதவாறு தயக்கம் காட்டுகிறார்.

விசுவ இந்து பரிசத் மற்றும் ஆர்.எஸ்.எஸ். உறுப்பினர்களை அரசு குற்றவியல் வழக் கறிஞர்களாக நியமித்த விஷயத்தில், மற்ற விஷயங்களை விட அரசின் நெறி தவறிய செயல் நன்றாகவே தெரிகிறது.

அறிக்கையின் 157-ஆம் பக்கத்தில், 2002 இல் வதோதரா மாவட்ட செசன்ஸ் நீதிமன்றத்தில் அரசு குற்றவியல் வழக்கறி ஞராக ரகுவீர் பாண்டியா என்ற விசுவ இந்து பரிசத் ஆதரவாளர் நியமிக்கப்பட்டார். பெஸ்ட் பேக்கரி வழக்கை பாண்டியா நடத் தியதில் குற்றம் சாற்றப்பட்டவர்கள் அனைவரும் விடுவிக்கப்பட்டனர். பாண்டியா வின் செயல் பாடுகள் பற்றி உச்சநீதிமன்றம் கடும் கண்டனம் தெரிவித்ததுடன், அவர் மீது உரிய நடவடிக்கை எடுக்க வழக்கறிஞர் சங்கத்தின் கவனத்துக்குக் கொண்டு செல்லவும் பரிந்துரைத்துள்ளது என்று மல்ஹோத்ரா குறிப்பிட்டுள்ளார்.

முடிவுக்கு வராத குழப்பம்!

விசுவ இந்து பரிசத் அல்லது ஆர்.எஸ். எஸ். தலைவர்கள் அரசு குற்றவியல் வழக்கறிஞர்களாக நியமிக்கப்பட்ட மேலும் அய்ந்து எடுத்துக்காட்டுகளை மல்ஹோத்ரா பட்டியலிட்டுள்ளார். இந்த நியமனங்களில், வழக்கறிஞர்களின் அரசியல் தொடர்புக்கு அதிக முக்கியத்துவம் அளிக்கப்பட்டுள்ளது என்று மல்ஹோத்ரா குறிப்பிடுகிறார். பின்னர் அவரை மறுத்து அவரே, எந்த ஒரு அரசு குற்றவியல் வழக்கறிஞர் மீதும் தொழிலில் தவறாக நடந்து கொண்டார் என்ற குறிப்பிட்ட குற்றச்சாற்றும் வெளிச் சத்துக்கு வரவில்லை என்றும் கூறுகிறார்.

திரும்பத் திரும்பத் தங்களது கண்டுபிடிப் புகளை அவற்றின் இயல்பான முடிவுகளுக் குக் கொண்டு செல்வதற்குத் துணிவற்ற சிறப்பு விசாரணைக் குழுவின் நிலையைப் பற்றி என்ன கூறுவது, என்ன செய்வது என்ற முடிவுக்கு வரமுடியாத குழப்பத்தையே ஏற்படுத்துகிறது.

எடுத்துக்காட்டாக, மேகசேனா மாவட் டத்தில் 2000 ஏப்ரல் முதல் டிசம்பர் 2007 வரை அரசு குற்றவியல் வழக்கறிஞராகப் பணியாற்றிய குஜராத் விசுவ இந்து பரிசத் தின் பொதுச் செயலாளர் திலீப் திரிவேதி யின் கீழ் 12-க்கும் மேற்பட்ட குற்றவியல் அரசு வழக்கறிஞர்கள் பணியாற்றி வந்தனர். இந்த மேகசேனா மாவட்டம்தான் கலவரங் களில் மிகவும் மோசமாகப் பாதிக்கப்பட்ட தாகும். மேகசேனாவில் நடைபெற்ற இரண்டு கலவர வழக்குகளில் - விஸ்நகரில் கொல் லப்பட்ட தீப்சா தார்வாசா மற்றும் சர்தார்புரா படுகொலை வழக்குகள் மிகவும் கொடூர மானவை.

தெகல்கா ரகசியமாக மேற்கொண்ட ஒரு புலன் விசாரணையில், குஜராத் மாநிலத்தில் ஒவ்வொரு மாவட்டத்திற்கும் தான் சென்று, அங்குள்ள அரசு குற்றவியல் வழக்கறிஞர் கள், விசுவ இந்து பரிசத் பணியாளர்கள், காவல்துறை அதிகாரிகள் மற்றும் பிரதி வாதிகளின் வழக்கறிஞர்கள் ஆகியோரை சந்தித்துப் பேசி கலவர வழக்குகளில் குற்றம் சாற்றப்பெற்ற இந்துக்கள் அனைவரையும் தான் எவ்வாறு விடுவிக்கச் செய்தார் என்று தன்னைப் பற்றியே புகழ்ந்து பேசியதை தெகல்கா செய்தியாளரிடமே ஒப்புக் கொண்டது ஒலிப்பதிவு செய்யப் பட்டுள்ளது. மேகசேனாவில் இருந்த 74 கலவர வழக்கு களில் இரண்டு வழக்குகளில் மட்டுமே குற்றம் சாற்றப்பெற்றவர்களுக்கு தண்டனை வழங்கப்பட்டது என்று பெருமையாகக் கூறியதும் பதிவாகியுள்ளது. என்றாலும், மூன்று கலவர வழக்குகளில் இதே தெகல்கா செய்தியாளரை அரசு சாட்சியாகக் குறிப் பிட்ட சிறப்பு விசாரணைக் குழு, தற்போது உணர்ச்சி மிகுந்த, தன்னையே காட்டிக் கொடுக்கும் திரிவேதியின் வாக்குமூலத்தை உண்மை என ஏற்றுக் கொள்ள மறுக்கிறது.

விசுவ இந்து பரிசத் மற்றும் ஆர்.எஸ். எஸைச் சேர்ந்த அரசு குற்றவியல் வழக் கறிஞர்கள் மாநிலம் முழுவதிலும் எவ்வாறு திட்டமிட்டு நீதியைக் குழிதோண்டிப் புதைத் தனர் என்பதை மிக விரிவாக அர்விந்த் பாண்டியா என்ற குஜராத் அரசின் மற்றொரு சிறப்பு அரசு குற்றவியல் வழக்கறிஞர் தெகல்கா செய்தியாளரிடம் கூறியுள்ளதும் பதிவு செய்யப்பட்டுள்ளது. தெகல்கா இதனை வெளிப்படுத்திய பிறகு பாண்டியா பதவியை விட்டு விலகவேண்டிய நிர்பந்தம் ஏற்பட்டது. மக்களிடம் நம்பிக்கையை உருவாக்கத் தேவையான அனைத்து நடவடிக்கைகளை யும் மேற்கொள்ள வேண்டிய நேரத்தில், நல்ல நோக்கத்தைக் கொண்டிருக்க வேண் டிய அரசு, பல சங்பரிவார அமைப்புகளின் உறுப்பினர்களை அரசு குற்றவியல் வழக் கறிஞர்களாக நியமித்திருப்பதையும் சிறப்பு விசாரணைக் குழு கண்டுபிடித்துள்ளது.

தீவிரவாதம் மற்றும் அமைதியைக் குலைக்கும் நடவடிக்கை தடுப்பு சட்டத்தின் கீழ், ஒன்பது முஸ்லிம்களைக் கொண்ட குடும்பம் ஒன்றைக் கொன்றதான ஒரு வழக்கு விசாரணையை முன்னொரு நாளில் எதிர்கொண்ட சேடன் ஷா என்ற விசுவ இந்து பரிசத் உறுப்பினர் 17-6-2003 அன்று முதல் 3 ஆண்டு காலத்திற்கு அரசு குற்ற வியல் வழக்கறிஞராக நியமிக்கப்பட்டார். இந்த நியமனத்திற்கு முன் குல்பர்கா சொசைடி படுகொலை வழக்கில் குற்றம் சாற்றப்பெற்றவர்கள் பலருக்காக அவர் வாதாடினார் என்பது அதிர்ச்சி தரத்தக்க செய்தியாகும்.

சேடன் ஷா மீது நடைபெற்ற படுகொலை வழக்கில் அவருக்காக வாதாடிய எச்.எம். துருவ் என்ற வழக்கறிஞர் குல்பர்கா சொசைடி மற்றும் நரோடா பாடியா வழக்கு களில் அரசு குற்றவியல் வழக்கறிஞராக நியமிக்கப்பட்டார்.

ஏ.பி.வி.பி மற்றும் வி.இ.ப. தலைவரான பியூஷ் காந்தி 15-3-1996 அன்று பஞ்சமாலில் அரசு குற்றவியல் வழக்கறிஞராக நியமிக் கப்பட்டு, 1-9-2009 வரை அவர் அப்பதவியில் நீடித்தார். ஷபானா சுஹாங் கற்பழிப்பு மற்றும் கொலை உள்ளிட்ட பல கலவர வழக்குகளை அவர் நடத்தியுள்ளார். இந்த வழக்குகளில் குற்றம் சாற்றப் பெற்றவர்களில் பலர் மிகவும் எளிதாக ஜாமீன் வாங்கிச் சென்றனர். சிறப்பு விசாரணைக் குழு தலைவர் ராகவன் குறிப்பிடுகிறார்: இவ்வாறு நியமிக்கப்பட்ட வர்களில் சிலர் ஆளுங்கட்சியுடனோ அல்லது அதற்கு ஆதரவாக உள்ள அமைப்பு களுடனோ அரசியல் தொடர்பு கொண்ட வர்கள் என்பது தெரிய வந்துள்ளது. என்றாலும் மேற்கொண்டு எதுவும் கூறுவதை அவர் தவிர்த்துவிட்டார்.

நன்றி: தெகல்கா 12-2-2011
தமிழில் த.க.பாலகிருட்டிணன்

http://viduthalai.in/new/page-2/3838.html 

அத்வானிகளும், மோடிகளும், ஜெயேந்திரர்களும் நடமாடுவது எப்படி?

கொலை செய்தல், கொலை செய்யத் தூண்டுதல், கலவரம் செய்தல் (இபிகோ 147, 153 (ஏ), 153(பி), 295 (ஏ), 505, 102 (பி)) இந்தப் பிரிவுகளின் கீழ்குற்றஞ் சாற்றப்பட்டவர்களை நினைவில் இருக்கிறதா?சாதாரணமானவர்களா அவர்கள்? இந்தியாவின் உள்துறை அமைச்சர், துணைப் பிரதமர் உள்ளிட்ட பதவி களை வகித்தவர்கள் ஆயிற்றே!

மத்திய தணிக்கைத் துறை அறிக்கை கொடுத்துவிட்டது, அறிக்கை கொடுத்துவிட்டது என்று இன்று அலறுகிறார்களே, நாடாளுமன்ற கூட்டுக் குழுவை அறிவிக்காவிட்டால் நாடாளுமன்றத்தையே நடத்தவிட மாட்டோம் என்று முஷ்டியைத் தூக்கிக் கொண்டு கிளம்பி இருக்கிறார் களே அவர்கள் ஒன்றை சாமர்த்திய மாக மறைக்கப் பார்க்கிறார்கள்.

லிபரான் ஆணையத்தின் அறிக் கையை ஜமக்காளம் போட்டு மறைக்கப் பார்க்கிறார்கள்.

68 பேர்கள் குற்றவாளிகள் என்று லிபரான் ஆணையம் பட்டியல் போட்டுக் கொடுத்து விட்டது.

மிகப் பெரிய மனிதராகத் தூக்கிக் காட்டப்படும் அடல் பிஹாரி வாஜ் பேயும் அந்தப் பட்டியலில் அடங் குவார்.எப்படி வாஜ்பேயியை இதில் சேர்க்கலாம் என்று காட்டுக் கூச்சல் போடுகிறார்கள்.

சட்டத்தின்முன் அனைவரும் சமம் என்று ஒரு பக்கத்தில் சொல்லிக் கொண்டு வாஜ்பேயியை எப்படி குற்ற வாளி என்று கூறலாம் என்று கேட்பது எந்த ஊர் நியாயம் என்றே விளங்க வில்லை.

19 ஆண்டுகளாக குற்றவாளிகள் ராஜ நடைபோட்டுத் திரிகிறார்கள். அரசு நியமித்த ஆணையமும் அவர்கள் குற்றப் புரிந்தவர்கள்தாம் என்று அறுதியிட்டுக் கூறிவிட்டது.

ஆ. இராசாமீது வழக்கைப் பதிவு செய்து வேகவேகமாக வழக்கை நடத் தும் அய்க்கிய முற்போக்குக் கூட்டணி அரசு, உலக நாடுகள் முன் இந்தியாவை தலைகுனிய வைத்த பாபர் மசூதியை இடித்தவர்கள் மீதான வழக்கை வேகமாக நடத்த முன் வராதது ஏன்?

19 வருடங்களா ஒரு முக்கியமான வழக்குக்குத் தேவைப்படும்?

நீதிமன்றங்கள்தான் ஆகட்டும்; மற்ற மற்ற வழக்குகளை விரைவாக நடத்திட வேண்டும் என்று சாட்டையை எடுத்துக் கொண்டு கிளம்புகிறார்களே. இதில் மட்டும் ஏன் பாம்பும் நோகாமல் கொம்பும் நோகாமல் மந்திரித்துக் கொண்டு இருக்கிறார்களாம்?

கொலை குற்றத்தின் கீழ் கைது செய்யப்பட்ட காஞ்சிபுரம் சங்கராச்சாரி யார்கள் கொஞ்சம்கூட வெட்கமின்றி ஆனை நடைபோட்டுத் திரிந்து கொண்டு இருக்கிறார்கள். சாட்சியங்கள் எல்லாம் பிறழ்சாட்சியங்களாக ஆகிக் கொண்டு இருக்கின்றன.

நீதிமன்றங்களுக்கு வராமல் வெளியில் ஆட்டம் போட்டுத் திரிகிறார்கள். இந்த வழக்கு விசாரணையை வேகப்படுத்தச் சொல்லி எந்த நீதிமன்றமும் சாட் டையை எடுத்துக் கொண்டு புறப்பட வில்லையே, ஏன்?

காலம் கடத்த கடத்த அத்தனை சாட்சிகளும் அந்தர் பல்டி அடிக்கும் நிலைதான்! அதுவரை காவல்துறையும், நீதித்துறையும் காவி வேட்டி சங்கராச் சாரியார்களை விட்டு வைக்கும் என்றே நம்பலாம்.

சங்கரராமன் கொலை மட்டும் தானா? ஆடிட்டர் ராதாகிருஷ்ணன் தாக்கப்பட்டது, திருக்கோட்டியூர் மாதவன் தாக்கப்பட்டது, காஞ்சிபுரம் சங்கராச்சாரியாருக்குச் சொந்தமான பெண்கள் விடுதியில் தங்கியிருந்த மாணவியின் மர்ம மரணம், 1994-இல் சங்கர மடத்தில் வேதம் பயின்று வந்த 15 வயது மாணவன் நாக சுப்பிரமணியம் பிணமாகக் குளத்தில் மிதந்தது, ஜெயேந்திரர் சென்றால் தங்கும் இடமான சூர்யலட்சுமி காட்டன் மில் ஓய்வு விடுதியில் ஜெயேந்திரர் தங்கி இருந்தபோது (18.3.1998) அந்த மில்லில் பணியாற்றிய நிர்மலம்மா (வயது 18) தம்மம்மா (வயது 16) ஆகியோர் கொலை - _என்று ஒரு பட்டியலே உண்டு. சங்கர மடம் சம்பந்தப்பட்டது என்பதால் வழக்கையும் தண்ணீரில் மூழ்கடித்து விடக் கூடாது.

பாபர் மசூதி காவிக் கும்பலால் இடிக்கப்பட்டதைத் தொடர்ந்து மும்பையில் பால்தாக்கரே தலைமையில் வெறியாட்டம் கட்டவிழ்த்து விடப் பட்டது. நீதிபதி ஸ்ரீ கிருஷ்ணா தலை மையில் விசாரணை ஆணையம் அமைக்கப்பட்டது. சிவசேனா தலைவர் பால்தாக்கரேமீது பகிரங்கமாகக் குற்றம் சுமத்தியது.

அவர்மீது நடவடிக்கை எடுக்கப்பட வேண்டும் என்றும் ஆணையம் வற் புறுத்தியிருந்தது. அவர்மீது ஒரு துரும் பையாவது அரசு தூக்கி எறிந்ததுண்டா? மாநிலத்தை ஆண்டு வந்த சிவசேனா - பா.ஜ.க. அரசு 1371 வழக்குகளை ஊற்றி மூடியது. 112 வழக்குகளை மட்டுமே சிறப்புக் குழு மறு ஆய்வு செய்தது என் றும் நீதிமன்றத்தில் தெரிவிக்கப்பட்டது.

நிலுவையில் இருக்கும் வழக்குகளை யாவது நாணயமாக நடத்தியிருக்க வேண்டாமா? சிவசேனா தலைவர் என் றால் சட்டத்திற்கு அப்பாற்பட்டவரா?

ஊருக்கு இளைத்தவர் ஆ. இராசா மட்டும்தானா?

2002-ஆம் ஆண்டில் குஜராத் மாநிலத்தில் முசுலிம் மக்கள் மீது நரேந்திர மோடி தலைமையில் மாநில அரசு நரவேட்டையாடியதே உச்சநீதிமன்றமே முதல் அமைச்சர் மோடியை நீரோ மன்னன் என்று சாடியதே  குஜராத் கலவரம் குறித்த விசா ரணை, அவருக்கு எதிராக இருக்கிறதே அவர் எப்படி முதல் அமைச்சராகத் தொடருகிறார்?

தெகல்கா ஏடு கொலைகாரர்களைக் கூட, பேட்டியளித்து வெளிச்சத்தில் வாரி இறைத்ததே - _ ஏன் இதுவரை நடவடிக்கை இல்லை?

டில்லி உயர்நீதிமன்ற முன்னாள் தலைமை நீதிபதி ராஜிந்தர் சச்சார், புக்கர் பரிசு பெற்ற எழுத்தாளர் அருந்த திராய் போன்றவர்கள் மோடியின்மீதும், நிருவாகத்தினர்மீதும் நடவடிக்கைகள் எடுக்க வேண்டும் என்று பகிரங்கமாக சொன்னார்களே, எடுக்கப்பட்ட நடவடிக்கை என்ன? மத்தியஅரசின் செயல்பாடுதான் என்ன?

ஆ.கே. இராகவன் தலைமையிலான மோடி மீதான சிறப்பு விசாரணைக்குழு மோடியின் முகமூடியைக் கிழிந்து எறிந்து விட்டது. பார்ப்பன ஊடகங்கள் திட்டமிட்டு மறைத்துவிட்டன. சோ ஒரு வரிகூட இதைப்பற்றி எழுதாதது _ ஏன்?

அரைகுறையாக விசாரணை அறிக்கையிலிருந்து கிடைத்திட்ட தகவல்களை வைத்துக் கொண்டு அத்வானி என்ன சொன்னார் தெரியுமா? வெகு நீண்ட காலத்திற்குப் பிறகு நான் படித்த மிகவும் மகிழ்ச் சியான செய்தி என்று ஆனந்தமய மாகிக் குதித்தாரே!

ஆனால் உண்மையோ வேறு வித மாக இருக்கிறது. சிறப்பு விசாரணைக் குழுவில் இடம் பெற்ற மோடிக்கு எதிரான தகவல்களை பெரும்பாலும் ஊடகங்கள் வெளியிடாத நிலையில் தெகல்கா இதழ் மட்டும் உண்மையான தகவல்களை வாரிக் கொண்டு வந்து கொட்டிவிட்டது.

சிறப்புப் புலனாய்வுக் குழு உச்சநீதி மன்றத்தின் உத்தரவுப்படி அமைக்கப் பட்டது. அது 600 பக்கங்களையும் கொண்ட ஓர் அறிக்கையை உச்சநீதி மன்றத்தில் அளித்துள்ளது.

கலவர காலத்தில் காவல்துறையின் கம்பியில்லாத் தந்தி போக்குவரத்துப் பற்றிய ஆவணங்களை மோடி அரசு முற்றிலுமாக அழித்துவிட்டது. கலவரங் களின் போது சட்டம் ஒழுங்குபற்றி நடத்தப்பட்ட முக்கியமான கூட்டங்கள் பற்றி எந்த ஓர் ஆவணமும், குறிப்பு களும் கிடையாது (அறிக்கை பக்கம் 13)

ஏன் ஆவணங்களை அழித்தார்கள்? அந்த ஆவணங்கள் கிடைக்கப் பெற்றால் மோடி அரசு எப்படி எப்படி யெல்லாம் முசுலிம்களை வேட்டை யாடியது, அவர்கள் தொழில் நிறுவனங் களையெல்லாம் தீயிட்டு எரித்தனர் என்ற விவரங்கள் தெரிந்து விடுமே.

கலவரங்களுக்கு ஒத்துழைத்த அதிகாரிகளுக்குப் பதவி உயர்வுகளும், சட்டப்படி, நடுநிலையோடு நடந்து கொண்ட கண்ணியமான அதிகாரி களுக்கு முக்கியத்துவம் அற்ற துறை களும், தண்டனைகளும் கொடுக்கப் பட்டன என்றால் மோடி அரசின் மோசகரமான, மூர்க்கத்தமான நர வேட்டை எப்படி நடந்திருக்கும் என்று எளிதில் தெரிந்து கொள்ள முடியுமே!

கலவரங்களின்போது காவல்துறை கட்டுப்பாட்டு அறையில் அமைச்சர் களுக்கு இடம் ஏன்? அசோக்பட் மற் றும் ஜடஜா ஆகிய இரு அமைச்சர் கள்தான் அவர்கள்.

எந்தவித குறிப்பிட்ட செயல் திட் டமும் இன்றியே இந்த இரு அமைச்சர் களும் காவல்துறைக் கட்டுப்பாட்டு அறைகளில் இருக்கச் செய்யப்பட்டனர். காவல்துறையின் பணியில் குறுக்கிட்டு, அலுவலகங்களுக்கு தவறான முடிவு களை, கட்டளைகளை அளிக்கவே அமைச்சர்கள் காவல்துறைக் கட்டுப் பாட்டு அறைகளில் இருக்கச் செய்யப் பட்டனர். (சிறப்புப் புலனாய்வுக் குழு வின் தலைவரின் குறிப்பு பக்கம் 12)

இதற்குப்பின்னாலும் குஜராத்தில் நரேந்திரமோடி ஆட்சி தொடருவ தற்குக் கிஞ்சிற்றும் நியாயப்படியான சட்டப்படியான தகுதி இருக்கிறதா?

இந்த ஆட்சி ஏன் கலைக்கப்பட வில்லை? இந்த முதல்வர்மீது ஏன் சட்டப்படியான நடவடிக்கை இல்லை?

இராசாதான் இளக்காரமா? நாடு எங்கே சென்று கொண்டு இருக்கிறது? மனுதர்மம் நடக்கிறதா என்ற செங்குத்துக் கேள்வி மக்கள் மன்றத்தில் கிளர்ந்து எழ வேண்டாமா? சிந்திப்பீர்! சிந்திப்பீர்!!
- மின்சாரம் -

http://viduthalai.in/new/page-1/3750.html 

குஜராத் கலவரக்காரர்களுக்கு எதிராக நடவடிக்கை எடுத்த காவல்துறை அதிகாரிகள் மாற்றம்

மாற்றுவது அரசின் உரிமை என்கிறது சிறப்பு விசாரணைக் குழு   - 7

கலவரங்களுக்கு ஆதரவாக இருந்த காவல்துறை அதிகாரிகளுக்கு எவ்வாறு பரிசுகள் அளிக்கப்பட்டன என்பதை மட்டும் சிறப்பு விசாரணைக் குழு பதிவு செய்து இருக்கவில்லை. அதிர்ச்சி தரத்தக்க பல வழக்குகளில், நேர்மை யான காவல்துறை அதிகாரிகள் தங்கள் கடமைகளைச் செய்ததற்காக உடனடி யாக, வேறு தக்க காரணங்களின்றி தண்டிக்கப்பட்டது ஓர் எச்சரிக்கை செய் தியை அனைத்து அதிகாரிகளுக்கும் தெரிவிப்பதாக இருந்தது.  அரசு தவ றான நோக்கம் கொண்டிருந்தமைக்கு இது அடையாளம் இல்லையென்றால், வேறு எதனைத்தான் கூறமுடியும்?

1991 பேட்ச் அய்.பி.எஸ். அதிகாரி யான ராகுல் சர்மாவின் வழக்கு ஒரு நல்ல எடுத்துக்காட்டாகும். 2002 இல் பவநகர் மாவட்ட கண்காணிப்பாளராக இருந்தபோது, மத உணர்வுகளைத் தூண்டிவிட்ட இந்து மதத் தலைவர்கள் மீது உடனடியாக நடவடிக்கை எடுத்து, கலவரத்தைக் கட்டுப்படுத்தி, பாராட்டத் தக்க செயலை அவர் செய்தார். 

இந்து கலவரக் கும்பல் ஒன்று  ஒரு மசூதியை எரிக்க முயன்றபோது, தான் தடுத்து நிறுத்தியதாகவும், பல டஜன் முஸ்லிம் குழந்தைகளை அதனால் காப்பாற்ற முடிந்தது என்றும், அதன் பிறகு மூன்று நாட்கள் கழித்துதான் மாற்றப்பட்டதாக வும் ராகுல் சர்மா சிறப்பு விசாரணைக் குழுவிடம் தெரிவித்தார். அமைச்சர் ஜடாபியா தன்னை அழைத்துப் பாராட் டியபோது, காவல்துறை துப்பாக்கிச் சூட்டில் முஸ்லிம்களை விட அதிக எண்ணிக்கையில் இந்துக்கள் இறந்தது முறையற்றது என்று கூறியதாகவும் தெரிவித்தார்.

1989 பேட்ச் அய்.பி.எஸ். அதிகாரி யான விவேக் சிறீவத்சவா குட்ச் மாவட்ட கண்காணிப்பாளராக இருந்த போது, ஒரு முஸ்லிம் குடும்பத்தைத் தாக்கிய தற்காக பா.ஜ.க. தலைவர் ஒருவரைக் கைது செய்ததற்காக மாற்றம் செய்யப் பட்டார்.

உள்துறை அமைச்சர் மற்றும் முதலமைச்சர் அலுவலகங்களிலிருந்து தனக்கு சில தொலைபேசி அழைப்புகள் வந்ததாகவும், இந்த வழக்கின் விவ ரத்தைக் கேட்டதுடன், குற்றம் சாற்றப் பட்டவர்களுக்கு எதிராக போதுமான சாட்சியங்கள் உள்ளனவா என்றும் கேட்கப் பட்டதாகவும், போதுமான சாட்சியங்கள் உள்ளன என்று தான் கூறியதாகவும் சிறீவத்சவா தெரிவித் தார் என்று சிறப்பு விசாரணைக் குழுவி அறிக்கை தெரிவிக்கிறது. 2002 மார்ச் கடைசி வாரத்தில் சிறீவத்சவா மாற்றப்பட்டு, அகமதாபாத் வட்ட மது விலக்கு துணை ஆணையராக நியமிக்கப் பட்டார்.

மற்றொரு  அய்.பி.எஸ். அதிகாரியான ஹிமான்சு பட், பனஸ்காந்தா மாவட்ட கண்காணிப்பாளராக இருந்தவர் 2002 மார்ச்சில் மாற்றப்பட்டு காந்திநகர் மாநிலப் புலனாய்வுத் துறையில் நியமிக்கப்பட்டார். கலவரக் கும்பலுக்கு உதவி செய்த ஓர் உதவி ஆய்வாளருக்கு எதிராக அவர் நடவடிக்கை மேற்கொண்டதே இதன் காரணம்.

அந்த உதவி ஆய்வாளருக்கு முக்கியமான அரசியல் தொடர்புகள் இருந்ததால், அவர் மீண்டும் பணியில் அமர்த்தப்பட்டது மட்டுமன்றி, அவர் முன்பிருந்த காவல் நிலையத்திலேயே பணி செய்ய அனுமதிக்கப்பட்டார். அதன் பின்பு, பட் வெளி நாடு சென்று அங்கேயே தங்கிவிட்டார். சிறப்பு விசாரணைக் குழு வினரால் அவரை விசாரிக்க முடிய வில்லை.

கலவரங்களின்போது குச்-பூஜ் எல்லைப் பகுதிகளில் உதவி காவல் துறைத் தலைவராக இருந்த சதீஷ் சந்திர வர்மா, கலவரங்களில் ஈடுபட்டு இரண்டு முஸ்லிம்களைக் கொன்றதற்காக சங்கர் சவுத்திரி என்னும் பா.ஜ.க. சட்ட மன்ற உறுப்பினரைக் கைது செய்ய உத்தர விட்டார். உடனடியாக அவர் மாற்றப்பட்டு, ஜுனாகட் சிறப்பு ரிசர்வ் காவல் துறை பயிற்சி நிலைய முதல்வராக நியமிக்கப் பட்டார்.

இந்த அதிகாரிகளில் எவர் ஒருவரும் இம் மாறுதல்களால் தாங்கள் பாதிக்கப் படவில்லை என்று தெரிவித்ததாக விசாரணை அலுவலர் மல்ஹோத்ரா குறிப்பிட்டுள்ளார்.  மாறுதல் என்பது அரசின் உரிமை என்று அவர்கள் அனை வருமே கூறினார்களாம். இந்த மாற் றங்கள்  வழக்கத்திற்கு மாறானவையாக சந்தேகத்திற்கிடமானவை யாக இருந்தன என்று குறிப்பிட்டதோடு மல்ஹோத்ரா நிறுத்திக் கொண்டார். ராகவனும் அவற்றின் முரண்பட்ட, கேள்விக்குரிய தன்மையைப் பற்றி ஒப்புக் கொண்டுள் ளார். ஆனால், அவர்கள் இருவரில் எவர் ஒருவரும் கலவரங்களில் மாநில அரசுக் குப் பங்கு இருந்ததா என்பதைக் கண் டறிய மேற்கொண்டு விசாரணை நடத் தும் நியாயமான முடிவுக்கு வரவில்லை.

கலவரங்களுக்கு உதவி செய்த காவல்துறை அதிகாரிகளுக்கு செல் வாக்கும், ஆதாயமும் உள்ள பதவிகள் பரிசாக அளிக்கப்பட்டுள்ளன என்பதை ஒப்புக்கொள்ளும் சிறப்பு விசாரணைக் குழு இதன்மீது மேலும் விசாரணை நடத்துவது என்ற தர்க்க ரீதியான முடிவை மேற்கொள்ள மட்டும் தவறி விட்டது.

தங்கள் கடமைகளைச் செய்த நியாயமான காவல்துறை அதிகாரி களின் இறக்கைகள், மோடி அரசால் ஒடிக்கப்பட்டன. அதே நேரத்தில், தாங்கள் அணிந்திருந்த சீருடையையும், மக்கள் தங்கள் மீது வைத்திருந்த நம்பிக்கையையும் கேவலப்படுத்திய தங்களது நியாயமான கடமைகளைச் செய்யத்  தவறிய அதிகாரிகளுக்கு பாராட்டிப் பரிசுகள் வழங்கப்பட்டன.

அகமதாபாத் இரண்டாம் பகுதியில் இணை காவல் துறை ஆணையராக இருந்த எம்.கே.டாண்டனின் பகுதியில் மட்டும் 200-க்கும் மேற்பட்ட முஸ்லிம்கள் படுகொலை செய்யப்பட்டனர். கலவரங் களுக்குப் பிறகு அவர் சூரத் வட்ட காவல்துறைத் தலைவராக நியமிக்கப் பட்டார். 2005 ஜூலையில் சட்டம் ஒழுங்கு கூடுதல் காவல்துறை தலைவராக மாநிலக் காவல்துறை தலைமை அலுவ லகத்தில் நியமிக்கப்பட்டார். டாண்டன் மாநிலம் முழுவதும் அதிகார எல்லை கொண்ட இந்தப் பதவியிலிருந்துதான் ஓய்வு பெற்றார்.

மிகவும் பயங்கரமான படுகொலைகள் நடந்து கொண்டிருந்த குல்பர்க் சொசைடி, நரோடா காவுன், நரோடா பாடியா ஆகிய இடங்களிலிருந்து பாது காப்பு கேட்டு வந்த அவசர அழைப்புகள் பற்றி டாண்டன் எந்த நடவடிக்கையும் மேற்கொள்ளவில்லை என்பதை சிறப்பு விசாரணைக் குழு கண்டுபிடித்துள்ளது. இந்தக் கலவர இடங்களுக்குச் செல்லாமல், அகமதாபாத் நகரின் வேறு பகுதிகளில் போலியான வழக்குகளைப் பதிவு செய்துவிட்டு தானும், தனது அலுவலர்களும் அந்த இடங்களுக்குச் சென்று இருந்ததை நியாயப்படுத்தினார். நடோடா காவுன், நரோடா பாடியா பகுதிகளில் படுகொலைகளை ஏற்பாடு செய்து நடத்திய ஜெய்தீப் படேல் மற்றும் மாயாபென் கோட்னானி ஆகியோருடன் டாண்டன் கலவரங்களின் போது தொலைபேசியில் தொடர்பு கொண்டி ருந்தார் என்பதையும் சிறப்பு விசா ரணைக் குழு கண்டுபிடித்துள்ளது.

டாண்டனின் உதவி அதிகாரியான பி.பி.கோண்டியா என்பவர் அப்போது நான்காவது வட்ட துணை ஆணைய ராக இருந்தார். அவர் இப்போது அதி காரம் மிகுந்த பதவியான மாநில ரகசியப் பிரிவு காவல்துறைத் தலைவர் பதவியில் இருக்கிறார். மல்ஹோத்ரா கூறுகிறார்: நரோடா பாடியாவில் கலவர நிலை மிகவும் மோசமாகவும், கட்டுக்குள் அடங்காமலும் இருந்த பிற்பகல் 2.20 மணி அளவில் கோண்டியா பாதிக்கப்பட்டவர்களின் தொலைப்பேசி அழைப்புகளை ஏற்று கலவரப் பகுதிகளுக்குச் செல்லாமல்,  தனது தலைமையிடத்தை விட்டு வேறு இடத்திற்கு ஓடிப்போய் விட்டார் என்றே கூறவேண்டும்.

இந்த காவல்துறை அதிகாரிகள் மட்டுமன்றி, களங்கம் நிறைந்த செயல் களைச் செய்த இதர அதிகாரிகளும் கூட அரசின் உயர்ந்த  ஆதரவைப் பெற்றிருந்தனர்.அவர்களுள் முன்னாள் தலைமைச் செயலாளர் ஜி.சுப்பாராவ், முன்னாள் உள்துறை தலைமைச் செயலர் அசோன் நாராயண், மோடியின் முன்னாள் தனிச் செயலாளராக இருந்த பி.கே. மிஸ்ரா, அகமதாபாத் மாநகரக் காவல்துறை ஆணையர் பி.சி.பாண்டே, அப்போது வடோதரா வட்ட காவல் துறைத் தலைவராக இருந்த தீபக் ஸ்வரூப்,  முன்னாள் உள்துறைச் செய லாளர் நித்யானந்தம், தற்போதைய வடோதரா மாநகரக் காவல் துறை ஆணையர், என்கவுண்டர் கொலை களை ஏற்பாடு செய்ததற்காக தற்போது சிறையில் இருக்கும் டி.ஜி.வன்ஜரா ஆகியோரைக் குறிப்பிடலாம்.

பெஸ்ட் பேக்கரி வழக்கு விசாரணை நடந்தபோது அப்போதைய வடோதரா மாநகர இணை மாநகரக் காவல்துறை ஆணையராக இருந்த கே.குமாரசாமி, வடோதரா மாநகர உதவி ஆணையராக இருந்த ராம்ஜிபாய் பார்கி ஆகியோர் நீதியை வளைக்க முயற்சி செய்ததற்காக பம்பாய் பெருநகர கூடுதல் செசன்ஸ் நீதிமன்ற நீதிபதியால் கடுமையாகக் குற்றம் சாற்றப்பெற்று கண்டனமும் செய்யப்பட்டனர். இவ்வாறு முஸ்லிம் மக்கள் மீது பாகுபாடு காட்டப்பட்டு, வெறுப்பு காட்டப்பட்டு கொடுமைகள் நடத்தப் பட்டமைக்கு தேவைக்கு அதிகமான இத்தகைய சாட்சிகளைப் பற்றி  சிறப்பு விசாரணைக் குழு தனது அறிக்கையில் பதிவு செய்து  இருந்தபோதும், மாறுதல் களும், நியமனங்களும் அரசின் ஏகபோக உரிமை என்று சாக்கு கூறி முடித்துக் கொண்டது.

நன்றி: தெகல்கா, 12.2.2011
தமிழில்: த.க. பாலகிருட்டிணன்

http://viduthalai.in/new/page-2/3724.html

குஜராத் காவல்துறைக் கட்டுப்பாட்டு அறையில் இரு அமைச்சர்கள்

அதன் நோக்கம் என்ன?

தீவிரவாதத் தாக்குதல் அல்லது மதக் கலவரங்கள் போன்ற நெருக்கடி நேரங்களில், காவல்துறை கட்டுப்பாட்டு அறை ஒரு போர் அலுவலகம் (War Office) போன்று இருப்பதாகும். கலவரப் பகுதிகளுக்குக் காவல்துறையினரை அனுப்புவது, வெவ்வேறு இடங்களில் உள்ள காவல்துறைக் குழுக்களை ஒருங்கிணைத்துச் செயல்பட வைப்பது, சம்பவ இடங்களிலிருந்து அறிக்கை களைப் பெறுவது ஆகிய பணிகளை காவல்துறை செய்வது இந்தக் கட்டுப் பாட்டு அறைகளில்தான்.

2002 பிப்ரவரி 28 ஆம் தேதி மாநிலம் முழுவதிலும் கலவரங்கள் வெடித்தவுடன், தனது இரு அமைச்சர்களையும் அவர்களது அலுவலர்களையும் காவல் துறைக் கட்டுப்பாட்டு அறைகளில் மோடி இருக் கச் செய்த செயல் சட்டத்தினை மீறி யதும், மிகுந்த கருத்து வேறுபாட்டுக்கு இடம் கொடுப்பதுமாகும்.

அகமதாபாத்தின் நரோடா காவுன், நரோடா பாடியா மற்றும் குல்பர்கா சொசைட்டி ஆகிய பகுதிகளில் காலை 10 மணி அளவில் தொடங்கிய கலவரங் கள் இரவு எட்டு மணி வரை தொடர்ந்து நடைபெற்றன. பாதிக்கப்பட்டவர்கள் தங்களைப் பாதுகாக்கக் கோரி காவல் துறையினரைத் திரும்பத் திரும்பக் கேட்டுக் கொண்டபோதும், காவல் துறை அவர்களுக்குப் பாதுகாப்பு அளிக்கத் தவறிவிட்டது. இத்தகைய சூழ்நிலைகளில், காவல்துறைக் கட்டுப் பாட்டு அறையில் இரண்டு அமைச்சர் கள் இருந்தது பெருத்த சந்தேகத்திற்கு இடம் அளிக்கிறது.

காவல்துறைக் கட்டுப்பாட்டு அறையில் இரு அமைச்சர்கள்

சிறப்பு விசாரணைக் குழுவின் அறிக்கையின் 30 ஆம் பக்கத்தில் கூறப்பட்டுள்ளது: புலனாய்வுத் துறை யின் துணை ஆணையராக இருந்த சஞ்சீவ் பட் 28-2-2002 காலை முதல மைச்சர் வீட்டில் நடைபெற்ற கூட்டத்தில், காவல்துறைத் தலைவர் மற்றும் புலனாய்வுத் துறை கூடுதல் தலைவர் ரெய்கருடன் (ரெய்கர் தனது விடுப்பை ரத்து செய்துவிட்டு பணிக்கு 28 ஆம் தேதி காலையில்  திரும்பிவிட்டார்) தானும் கலந்து கொண்டதாகக் கூறி னார்.

கூட்டம் முடிந்தபிறகு போலீஸ் பவனின் இரண்டாவது மாடியில் உள்ள தனது அலுவலகத்திற்கு காலை 11 மணி அளவில் திரும்பிய சிறிது நேரத்திற்குப் பின், அதே கட்டடத்தின் முதல் மாடியில் இருந்த காவல்துறைத் தலைவரின் அலுவலகத்திற்கு அவரைச் சந்திக்கச் சென்றதாகவும், முதல்வர் கூட்டத்தின் முடிவில் அறிவுறுத்தப்பட்டபடி குஜராத் மாநில அமைச்சர்கள்  அசோக் பட் மற்றும் ஜடேஜா இருவரும் காவல்துறை தலைமை அலுவலகத்திற்கு வந்து அங்கு உட்கார்ந் திருந்ததைக் கண்டதாகவும் சஞ்சீவ் பட் கூறினார். புலனாய்வுத் துறைத் தலைவர் ராய்கரும், சட்டம் - ஒழுங்கு பிரிவின் தலைவர் மணிராமும் அப்போது அங்கி ருந்ததாகவும் அவர் கூறினார்.

காவல் துறைத் தலைவருடன் பேசிவிட்டு, தேநீர் அருந்தி விட்டு பட் தன் அலுவலகத் திற்குத் திரும்பி விட்டார். அதன் பிறகு சிறிது நேரம் கழித்து சில ஆவணங் களைப் பெறுவதற்காக சஞ்சீவ் பட் கட்டுப்பாட்டு அறைக்குச் சென்ற போது, அமைச்சர் ஜடேஜாவும் அவரது அலுவலர் களும் கட்டுப்பாட்டு அறையில் இருந் தனர்.

இது ஒரு சங்கடமான கேள்விக்கு வழி வகுத்தது. மேற்கண்ட சஞ்சீவ் பட்டின் வாக்குமூலம் உண்மைதான் என்று கண்டறிந்த விசாரணை அலுவலர் மல்ஹோத்ரா, காவல்துறைக் கட்டுப் பாட்டு அறையில் அமைச்சர் ஜடேஜா இருந்ததை மெய்ப்பிப்பதற்கு அவரது சாட்சியத்தைப் பயன் படுத்திக் கொண் டார். 28-2-2002 காலை முதல் அமைச் சர் கூட்டிய கூட்டத்தில் சஞ்சீவ் பட் கலந்து கொண்டார் என்று அவர் கூறிய தையும் மல்ஹோத்ரா மறுக்கவில்லை.

அப்படி இருக்கும்போது, 27-2-2002 அன்று முதல் அமைச்சர் கூட்டிய கூட்டத் தில் சஞ்சீவ் பட் கலந்து கொண்டதாகக் கூறியது எவ்வாறு ஏற்றுக் கொள்ளப் படாமல் மறுக்கப்பட்டது. 28 ஆம் தேதி கூட்டத்தில் கலந்து கொள்ளும் அளவுக்கு பட் பணியில் மூத்தவர் என்றால், 27 ஆம் தேதி கூட்டத்தில் கலந்து கொள்ளுவதில் மட்டும் அவர் எப்படி பணியில் இளையவர் என்று கூறப்பட்டார்.

அவரது மூத்த அதிகாரி பணிக்குத் திரும்பிய பிறகும், 28 ஆம் தேதி கூட்டத் தில் பட் கலந்து கொண்டதை வைத்துப் பார்க்கும் போது, 27 ஆம் தேதி தனது மேலதிகாரி ராய்கர் விடுப்பில் இருந்த தால், அங்கிருந்த அடுத்த மூத்த அதி காரியான  தான் முதல்வர் கூட்டத்தில் கலந்து கொண்டதாக பட் கூறியது அதிக நம்பிக்கைக்குரியதாகவே காணப்படு கிறது.

அதிக குழப்பம்!

இதில் இன்னமும் அதிக குழப்பம் விளைவித்தது என்ன வென்றால், காவல் துறை கட்டுப்பாட்டு அறையில் இரண்டு அமைச்சர் இருந்ததையே உள்துறை கூடுதல் தலைமைச் செயலாளரான அசோக் நாராயண் மறுத்ததுதான். சிறப்பு விசாரணைக் குழுவிடம் காவல் துறைத் தலைவர் சக்ரவர்த்தி கூறிய தாவது: 

28-2-2002 அன்று அமைச்சர் ஜடேஜா சில தகவல்களைப் பெறுவதற் காக மாநிலக் கட்டுப்பாட்டு அறை அமைந்துள்ள காவல் துறைத் தலைவர் அலுவலகத்தில் இருப்பார் என்று  என்னிடம் அசோக் நாராயண் கூறினார்.

அது போலவே அமைச்சர் அசோக் பட் அகமதாபாத் மாநகரக் காவல்துறைக் கட்டுப்பாட்டு அறையில் இருப்பார் என்றும் அசோக் நாராயண் என்னிடம் கூறினார்.

ஜடேஜா நகர வீட்டு வசதி அமைச்ச ராகவும், அசோக் பட் சுகாதார அமைச்ச ராகவும் அச்சமயத்தில் இருந்தனர்.  காவல்துறைக் கட்டுப்பாட்டு அறைகளில் இருப்பதற்கு அவர்களுக்கு எந்த வேலையும் இல்லை. ஆனால் இது பற்றி கேள்வி கேட்கப்பட்டபோது, சக்ரவர்த் திக்கு இது போன்ற அறிவுரைகள் வழங் கியதையே அசோக் நாராயண் மறுத் தார்.

அகமதாபாத்  காவல்துறை ஆணை யராக இருந்த பி.சி.பாண்டேயும் மாநக ரக் காவல்துறைக் கட்டுப்பாட்டு அறை யில் அசோக் பட் தொடர்ந்து இருந்ததை மறுத்தார். அமைச்சர் 10 அல்லது 15 நிமிடங்கள் மட்டுமே அங்கு இருந்தார் என்று அவர் கூறினார்.

ஆனால் அமைச் சர் ஜடேஜாவைக் கேள்வி கேட்டபோது,  மோடியின் உள்துறை உதவி அமைச்ச ராக இருந்த ஜடாபியாதான் தன்னை காவல் துறைக் கட்டுப்பாட்டு அறையில் இருக்கும்படி கூறியதாகத் தெரிவித்தார்.

(ஜடாபியா தற்போது மோடியின்  ஆதரவை இழந்துவிட்டு, தனியாக ஒரு கட்சி துவங்கி உள்ளார். அதனால் அனைத்து குற்றத்தையும் அவர் மீது சுமத்துவது மோடிக்கும், பா.ஜ.கட்சிக்கும் எளிதாகப் போய்விட்டது.)

இவை அனைத்தையும் வைத்துப் பார்க்கும்போது, குற்றத்தை மற்றவர் மீது தள்ளிவிடும் முயற்சியில் சக்ரவர்த்தியும், அசோக் நாராயணும், பாண்டேயும் பொய்களைக் கூறியும், ஒருவர் கூறுவதை மற்றவர் மறுத்தும் கூறியது தெளிவாகத் தெரிகிறது.

காவல்துறை அதிகாரியின் எதிர்ப்பு

நடந்தவைகளைக் கூறுவதில் சஞ்சீவ் பட் ஒருவர் மட்டும்தான் தொடர்ந்து ஒரே மாதிரி கூறி வந்துள்ளார் என்று தோன் றுகிறது. அமைச்சர்கள் கட்டுப்பாட்டு அறைகளில் இருப்பதைப் பற்றிய தனது ஆட்சேபத்தை காவல் துறைத் தலைவர் சக்ரவர்த்தியிடம் தான் பதிவு செய்த தாகவும், அவரது அனுமதியுடன் அமைச் சரையும் அவரது அலுவலர்களையும் அதே கட்டடத்தில் இருந்த காலி அறை ஒன்றுக்கு தான் மாற்றியதாகவும் விசா ரணைக் குழுவிடம் தெரிவித்துள்ளார்.

அன்றும் அதற்கடுத்த இரண்டு மூன்று நாட்களில் ஜடேஜாவின் அலுவலர்கள் சிலர் மாநில புலனாய்வுத் துறையிட மிருந்து சில விவரங்களைக் கேட்டது பற்றி தனக்கு நினைவிருப்பதாகவும் பட் கூறினார். (இவ்வாறு பட் கூறியதை சக்ரவர்த்தி மறுக்கவில்லை).

மிகவும் முக்கியமான கேள்வி என்ன வென்றால்,  எதற்காக அமைச்சர்களும், அவர்களின் அரசியல் அலுவலர்களும், எங்கே எவ்வளவு காவல்துறையினர் கலவரத்துக்காக நிறுத்தப்பட்டுள்ளனர் என்ற உணர்ச்சி மிகுந்த தகவல்களை ஏன் கேட்டறிந்தனர் என்பதுதான்.

அங்கங்கே இருக்கும் கலவரக்காரர் களுக்கு இந்த தகவல்கள் அனுப்பப்பட் டனவா? எப்படியிருந்தாலும், காவல் துறை கட்டுப்பாட்டு அறையில் நகர்ப்புற வீட்டு வசதித்துறை மற்றும் சுகாதாரத் துறை அமைச்சர்கள் என்ன செய்து கொண்டிருந்தார்கள்?
சிறப்பு விசாரணைக் குழுத் தலைவர் ராகவன் கூறுகிறார்:

2002 பிப்ரவரி 28 ஆம் தேதியிலிருந்து ஒரு சில நாட்கள் இந்த இரண்டு அமைச்சர்களும் காவல்துறைக் கட்டுப்பாட்டு அறையில் இருந்து செயல்பட்டிருக்கிறார்கள் என் பது சந்தேகத்திற்கிடமின்றி நிரூபிக் கப்பட்டுள்ளது என்றாலும், காவல் துறையின் பணிகளில் அவர்கள் குறுக் கிட்டனரா என்பதைச் சுட்டிக்காட்டும் தகவல்கள் ஏதும் இல்லை.

தான் கண்டுபிடித்தவைகளைக் கொண்டு மேலும் விசாரணை நடத்த சிறப்பு விசாரணைக் குழு எவ்வாறு தவறிவிட்டது என்பதைத் திரும்பத் திரும்பக் கூறுவதில் பயன் ஏதுமில்லை. அதற்கு மாறாக, ஒரு மாறுபட்ட கேள்வியைக் கேட்க வேண்டிய நேரமிது.  நாட்டின் ஒரு மோசமான மதக் கலவரப் படுகொலைகளைச் சம்பவங்களின் பின்னணியில் உள்ள உண்மைகளைக் கண்டறியும் வழி இதுதானா?

கலவரங் களில் ஏதேனும் ஒரு வழியில் தொடர்பு கொண்டிருந்த காவல்துறை அலுவலர் களின் வாக்குமூலங்களைப் பதிவு செய்வதன் மூலமாக மட்டுமே, அரசே முன்னின்று நடத்திய வன்முறைப் படு கொலைகளை பற்றிய ஒரு மாபெரும் சதித் திட்டத்தை வெளிக் கொண்டு வர முடியுமா?

நன்றி: தெகல்கா, 12.2.2011
தமிழில்: த.க. பாலகிருட்டிணன்

முஸ்லிம்கள்மீது இந்துக்களை ஏவினாரா மோடி? தெகல்கா படப்பிடிப்பு - 5

சஞ்சீவ் பட் : எதிர்நீச்சல் போட்டு உண்மையைக் கூற முன்வந்த ஒரே ஒரு மனிதர். அவரை ஏன் சிறப்பு விசா ரணைக் குழு பயன்படுத்திக் கொள்ள வில்லை?

மவுனமாக இருத்தல், தனக்கு நினைவில்லை என்று கூறுதல் போன்ற மென்மையான வழிகளை பல அலுவலர் கள் தேர்ந்தெடுத்தனர் என்றபோதிலும், முதல் அமைச்சரின் வீட்டில் நடைபெற்ற கூட்டத்தில் கலந்து கொண்டேன் என்று கூறும் அய்.பி.எஸ். அதிகாரியான சஞ்சீவ் பட் உண்மையைக் கூற முன்வந் தார். தற்போது உதவி இன்ஸ்பெக்டர் ஜெனரலாக இருக்கும் அவர், கலவரங் களின்போது மாநில புலனாய்வுத் துறையில் மாநகர உதவிக் காவல்துறை ஆணையராக இருந்தார்.

காவல் துறை டைரக்டர் ஜெனரல் சக்ரவர்த்திதான் முதல் அமைச்சர் கூட்டிய அந்தக் கூட்டத்தில் நான் கலந்து கொள்ள வேண்டுமென்று வற்புறுத்தினார் என்று பட் சிறப்பு விசாரணைக் குழுவிடம் கூறினார். புலனாய்வுத் துறைத் தலைவர் ஜி.சி. ராய்கர் விடுப்பில் சென்றிருந்தபடியால், சபர்மதி ரயில் எரிப்பு சம்பவம் பற்றி முன் கூட்டியே தகவல் தெரிவிக்கத் தவறியது எப்படி என்பது போன்ற புலனாய்வுத் துறை பற்றி கேட்கப்படும் கேள்வி களுக்கு பதில் கூற புலனாய்வுத் துறையைச் சேர்ந்த அதிகாரி எவராவது இக் கூட்டத்தில் கலந்து கொள்ள வேண்டும் என்று சக்ரவர்த்தி விரும்பி னார் என்று பட் சிறப்பு விசாரணைக் குழுவிடம் தெரிவித்தார்.

ஆனாலும் இதற்கு மேல் எதுவும் கூற பட் மறுத்துவிட்டார். மோடிக்கு எதிரான இந்த விசாரணை ஒரு தொடக்க நிலை விசாரணை என்பதால், இது பற்றி இதற்கு மேல் பேச நான் விரும்பவில்லை என்று பட் விசாரணைக் குழுவிடம் கூறினார்.

என்றாலும், ஒரு குற்றவியல் வழக்கு பதிவு செய்யப்பட்டால், சாட்சியம் அளித்து உண்மையைக் கூற தான் கடமைப்பட்டிருப்பதாக அவர் கூறினார். (இந்த சிறப்பு விசாரணைக் குழுவின் விசாரணை முற்றிலும் ஆராயும் தன் மையை மட்டுமே கொண்டது என்பதால், தற்போது பணியாற்றிக் கொண்டிருக்கும் அதிகாரி ஒருவர், எந்த வித பயனும் இல்லாமல், தான் பேசுவது தனது பணிக்கு ஆபத்தை ஏற்படுத்தக்கக் கூடிய வகையில் அமையும் என்பது அவரது கருத்தாக இருந்திருக்கலாம்.)

திரைமறைவில் வேலைகள்

பின்னர் ஒரு நிலையில் சாட்சியம் அளிக்க தனது விருப்பத்தை அவர் தெரிவித்த உடனே, திரைமறைவில் வேகமாக செயல்கள் நடைபெறத் தொடங்கின. 25-3-2010 இல் விசா ரணை அலுவலர் மல்ஹோத்ரா நரேந்திர மோடியை விசாரித்த போது, அதிசயமான முறையில் மோடி வாய்தவறி ஒன்றைக் கூறிவிட்டார்.

சபர்மதி ரயில் எரிப்பு சம்பவ இடத்தைப் பார்த்துவிட்டு கோத்ராவிலிருந்து திரும்பிய பிறகு, 27-2-2002 அன்று தனது வீட்டில் ஒரு கூட்டத்தைக் கூட்டியதாக அவர் ஒப்புக் கொண்டார். அக்கூட்டத்தில் யார் யார் கலந்து கொண்டார்கள் என்று கேட்கப்பட்ட போது, தன்னைத் தவிர ஏழு அதிகாரிகள் கலந்துகொண்டதாக மோடி கூறினார். அதன்பின், எந்தக் கேள்வியும் கேட்கா மலேயே, அது உயர்மட்ட அலுவலர் கூட்டம் என்பதால், புலனாய்வுத் துறை உதவி ஆணையராக இருந்த சஞ்சீவ் பட் அக் கூட்டத்தில் கலந்து கொள்ள வில்லை என்று மோடி கூறினார். பட்டின் பெயரை அவர் ஏன் கூறினார்? யார் யார் கூட்டத்தில் கலந்து கொண்டார்கள் என்றுதான் விசாரணை அலுவலர் கேட்டாரே ஒழிய யார் யார் கலந்து கொள்ளவில்லை என்ற கேள்வியைக் கேட்கவில்லை. சிறப்பு விசாரணைக் குழுவின் முன் பட் அளித்த சாட்சி யத்தைப் பற்றி யாரோ மோடியிடம் கூறி அவரை எச்சரித்திருக்கிறார்கள் என்பது தெளிவாகத் தெரிகிறது. விசாரணை அலுவலர் கேட்ட கேள்வியில் பட்டைப் பற்றிய குறிப்பு எதுவும் இல்லாத நிலை யிலும், பட் கூறியதை மறுத்து அவரை மதிப்பிழக்கச் செய்யத் தயாராகவே மோடி வந்திருந்தார்.

அக்கூட்டத்தில் பட் கலந்து கொண்டது பற்றி கேட்கப்பட்டபோது இந்த மற்ற ஏழு அதிகாரிகளும் கூட வியப்பான முறையில் எதிர்வினையாற் றினர். ஸ்வர்ண காந்த் வர்மாவும், அசோக் நாராயணனும் தங்களுக்கு நினைவில்லை என்று கூறினார்கள். முதல் அமைச்சரின் முதன்மைச் செய லாளராக இருந்த பி.கே.மிஸ்ரா, பட் கூட்டத்தில் கலந்து கொண்டதை மறுக்க வில்லை; ஆனால் தன்னால் நினைவு படுத்திக் கூற முடியவில்லை என்று கூறினார். மற்ற நான்கு அதிகாரிகளில் காவல்துறை இயக்குநர் ஜெனரலாக இருந்த சக்ரவர்த்தி ஒருவர் மட்டும் பட் அந்தக் கூட்டத்தில் கலந்து கொண்ட தாக கூறுவதை மொத்தமாக மறுத்தார். மற்ற மூவரும் குழப்பமான பதில்களை அளித்தனர்.

இந்த முரண்பாடுகளுக்குப் பின்னும், தனது அறிக்கையின் 149 ஆம் பக்கத்தில் விசாரணை அலுவலர் மல்ஹோத்ரா முடிக்கிறார்: முதல் அமைச்சர் கூட்டிய கூட்டத்தில் பட் கலந்து கொண்டது பற்றிய அவரது அறிக்கை மெய்ப்பிக்கப் படாததால் அது பொருட்படுத்தாமல் ஒதுக்கப்படுகிறது. மோடி அரசால் பரிச ளிக்கப்பட்டவர்கள் அல்லது அவரது அரசில் தொடர்ந்து பணியாற்றுபவர்கள் என்பதால், அந்த ஷஏழு அதிகாரிகளின் சாட்சியங்கள் நம்பத்தகுந்தவையல்ல என்று மல்ஹோத்ராவே கூறியுள்ளார். பட் கூட்டத்தில் கலந்துகொண்டது பற்றி வரும்போது மட்டும், இந்த நம்பத்தகாத சாட்சிகளை எப்படி மல்ஹோத்ரா நம்புகிறார் என்பதுதான் முற்றிலும் நம்பமுடியாததாக உள்ளது.
விசாரணைக் குழுத் தலைவரின் குறிப்புகள்

விசாரணைக் குழுத் தலைவரின் குறிப்புகளும் அது போலவே காரணம் கூற முடியாதவையாக உள்ளன. ஒரு முறையான குற்றவியல் வழக்கு பதிவு செய்யப்பட்டதனால் ஏற்படும் சட்டப் படியான ஒரு கடமை என்று வரும்போது மட்டும்தான் கூட்டத்தில் என்ன பேசப் பட்டது என்பது பற்றிய உண்மைகளை வெளிப்படுத்த முடியும் என்று புலனாய் வுத் துறை கண்காணிப்பாளர் சஞ்சய் பட் விசாரணைக் குழுவிடம் கூறியுள் ளார். அந்த சந்தர்ப்பத்தில் என்ன நடந்தது என்பதைப் பற்றி கூறுவதில் அவருக்கு ஏதோ சில மறுப்புகள் இருப்பதாகத் தோன்றுகிறது. அந்தக் கூட்டத்தில் கலந்து கொண்டதாகக் கூறப்படும் அலுவலர்களில் எவர் ஒருவரும் பட் அந்தக் கூட்டத்தில் கலந்து கொண்டார் என்று கூறாததால், பட் ஒரு நம்பத்தகாத சாட்சியாகவே கருதப் படுகிறார். அத்தகைய ஒரு உயர் நிலை அதிகாரிகளின் கூட்டத்தில் அழைக் கப்பட இயலாத அளவில் அவர் பணி மூப்பில் இளையவரானவர். (தலைவரின் குறிப்புகள் பக்கம் 3-4).

கேட்காமலேயே பட்டைப் பற்றி மோடி சொன்ன தகவலை பகுத்தறிவு வழியில் ஆய்வு செய்யாமலேயே சிறப்பு விசாரணைக் குழு ஏற்றுக் கொண்டுள்ளது என்பது தெளிவாகத் தெரிகிறது. இதைவிட வியப்பான செய்தி என்னவென்றால், 27-2-2002 அன்று நடைபெற்ற கூட்டத்தில் பட் கலந்து கொண்டதாகக் கூறியதை ஏற்றுக் கொள்ள மறுக்கும் சிறப்பு விசாரணைக் குழு, அவர்களின் அறிக்கையில் மற்ற இடங்களில் பட் அளித்த சாட்சியத்தை மட்டும் ஏற்றுக் கொண்டிருப்பதுதான்.

நன்றி: தெகல்கா, 12.2.2011
தமிழில்: த.க. பாலகிருட்டிணன்
http://viduthalai.in/new/page-2/3536.html 

முஸ்லிம்கள் வேட்டையாடப்பட துணைபுரிந்த அதிகாரிகளுக்கு மோடி அரசில் மேலும் மேலும் பதவி உயர்வுகள்! தெகல்கா தோல் உரிக்கிறது

குஜராத் கலவரங்களில் பாதிக்கப் பட்டவர்களுக்கு நீதி  கிடைக்க வேண்டும் என்று போராடிய மனித உரிமை குழுக்கள், வெளியீடுகள் பலவற்றிலும் தெகல்கா முன்னணியில் நின்றது. ஆறு மாத காலமாக மேற்கொள்ளப்பட்டு வந்த  ரகசிய பேட்டிகளைப் பற்றிய செய்தியை 2007 அக்டோபரில் தெகல்கா வெளியிட்டது.

பன்னிரண்டுக்கும் மேற்பட்ட விசுவ இந்து பரிசத் தலைவர்கள், பா.ஜ.க. தலைவர்கள், அரசு குற்றவியல் வழக் கறிஞர்கள், கலவரங்களுடன் தாங்கள் சம்பந்தப் பட்டிருந்ததை ஒப்புக்கொண்டு, கலவரங்களின்போது நியாயம் , நீதி என்பதெல்லாம் எவ்வாறு காற்றில் பறக்கவிடப்பட்டது என்பதையும்,  கலவரங்களை நிகழ்த்த எவ்வாறு விரிவான சதித் திட்டம் வகுக்கப்பட்டது என்பது பற்றியும் பேட்டி அளித்த 60 மணி நேரம் ஒளிபரப்ப இயன்ற பேட்டிகளை தெகல்கா வெளியிட்டது.

இது நாகரிக சமூகத்திடையே ஒரு பெருங்குமுறலை ஏற்படுத்தியது. தெகல்கா விடியோ பதிவுகளைப் பற்றி ஒரு விசாரணையை மேற்கொள்ள குஜராத் அரசை தேசிய மனித உரிமை ஆணையம் கேட்டது. ஆனால் அதற்கு மோடி அரசு மறுத்து விட்டது. இதனைத் தொடர்ந்து இது பற்றி விசாரிக்க மத்தியப் புலனாய்வுத் துறை கேட்டுக் கொள்ளப்பட்டது. ஒளி நாடாக்களையும், கருவிகளையும் தெகல்காவிடமிருந்து கைப்பற்றிய மத்திய புலனாய்வுத் துறை அவற்றின் உண்மைத் தன்மையை  அறிய, ஆய்வுக் கூடத்துக்கு அனுப்பியது. இந்த ஒளி நாடாக்கள் 100 விழுக்காடு உண்மை யானவை என்று அறிவிக்கப்பட்டது.

மார்ச் 3 ஆம் தேதியன்று உச்சநீதி மன்றம் எப்படி முடிவு செய்தாலும் சரி,  இந்த சிறப்பு விசாரணைக் குழுவின் பின்னணியில் உள்ள அனைத்து உண்மைகளையும் பொதுமக்கள் முன் வைக்கவே தெகல்கா விரும்புகிறது. அதைப் படிக்கும் பொதுமக்கள் 2002 குஜராத் கலவரங்களில் மோடி குற்றவாளியா என்பது பற்றி அவர்களே முடிவு செய்து கொள்ளட்டும்! மோடிமீது சுமத்தப்படும் முக்கியமான குற்றச் சாற்றுகளும், அவற்றின் மீது சிறப்பு விசாரணைக் குழு மேற்கொண்ட முடிவுகளும் கீழே அளிக்கப்படுகின்றன.

2002 பிப்ரவரி மாதம் 27 ஆம் தேதி மாலை நரேந்திர மோடி நடத் திய ஓர் அலுவலர் கூட்டத்தில், முஸ் லிம்கள் மீது தங்கள் கோபத்தைத் தீர்த்துக்கொள்ள இந்துக்களைத் தாராளமாக அனுமதிக்கும்படி மோடி தனது அதிகாரிகளிடம் கூறினாரா? இவ்வாறு கூறியதற்கான முடிவான ஆதாரங்கள் எதுவும் இல்லை என்று சிறப்பு விசாரணைக் குழு தெரி விக்கிறது.

கொலை செய்யப்பட்ட  காங்கிரஸ் தலைவர் ஈஷான் ஜாஃப்ரியின் மனைவி ஜாகியா ஜாஃப்ரி பதிவு செய்த,  கலவரங்களின் போது ஈஷான் ஜாஃப்ரி யும், அவருடன் டஜன் கணக்கான இதர முஸ்லிம்களும் பயங்கரமாக வெட்டியும், எரித்தும் கொலை செய்யப்பட்டனர் என்ற புகார் மனுவை விசாரித்த உச்சநீதிமன்றம் 2009 மார்ச் 27 அன்று மோடி மற்றும் அவரது அரசு மீதான குற்றச்சாற்றுகள் பற்றி விசாரணை நடத்த இந்த சிறப்பு விசாரணைக் குழுவை நியமித்தது.

மோடி, இதர பா.ஜ.க. பொறுப்பாளர்கள், அரசு அதிகாரிகள், காவல்துறை அதிகாரிகள் மீது 32 குறிப்பான குற்றச்சாற்றுகளை ஜாகியா ஜாஃப்ரி தெரிவித்துள்ளார். அவற்றில் மிகவும் மோசமான குற்றச் சாற்று என்னவென்றால், முஸ்லிம்களின் மீதான தங்களின் கோபத்தைத் தீர்த்துக் கொள்ள இந்துக்களைத் தாராளமாக அனுமதிக்க வேண்டும் என்று காவல் துறை தலைவர், தலைமைச் செயலாளர் மற்றும் இதர மூத்த அதிகாரிகளுக்கு அறிவுரை வழங்கியிருந்தார் என்பதுதான்.

காந்திநகரில் உள்ள முதல் அமைச்சர் மாளிகையில் 27-2-2002 நடைபெற்ற ஒரு கூட்டத்தில் இத்தகைய அறிவுரைகள் வழங்கப்பட்டன என்று கூறப்படுகிறது.

சிறப்பு விசாரணைக் குழுத் தலைவர் ராகவன் குறிப்பிடுகிறார்:  27-2-2002 அன்று காலை கோத்ராவுக்குச் சென்று விட்டு அகமதாபாத்துக்குத் திரும்பிய  முதல் அமைச்சர் அன்று இரவு தனது வீட்டில் ஒரு கூட்டம் நடத்தினார் என்பது விசாரணையில் தெளிவாக மெய்ப்பிக்கப் பட்டுள்ளது. (விசாரணைக் குழுத் தலைவரின் குறிப்புகள் பக்கம் 3).

விசாரணை அலுவலர் ஏ.கே.மல் ஹோத்ராவின் கூற்றுப்படி, அரை மணி நேரம் நடந்த இக்கூட்டத்தில் கீழ்க் குறிப் பிடப்பட்ட எட்டு பேர் கலந்து கொண் டனர் என்பது உறுதிப்படுத்தப்பட்டுள்ளது.

1) முதல் அமைச்சர் நரேந்திரமோடி

2) தலைமைச் செயலாளர் பொறுப்பு ஸ்வர்ண காந்த் வர்மா

3) கூடுதல் தலைமைச் செயலாளர் (உள்துறை) அசோக் நாராயண்

4) காவல்துறை பொது இயக்குநர் கே.சக்ரவர்த்தி

5) அகமதாபாத் மாநகரக் காவல்துறை ஆணையர் பி.சி.பாண்டே

6) உள்துறைச் செயலாளர், கே. நித்யானந்தம்

7) முதல் அமைச்சரின் முதன்மைச் செயலாளர் பி.கே.மிஸ்ரா

8) முதல் அமைச்சரின் செயலாளர் அனில் முக்கிம்

சிறப்பு விசாரணைக் குழுவின் முன் ஆஜரான இரண்டு மூத்த அதிகாரிகள் ஸ்வர்ண காந்த வர்மாவும், அசோக் நாராயணும் ,   முஸ்லிம்கள் மீது தங்கள் கோபத்தைத்  தீர்த்துக் கொள்ள இந்துக் கள் அனுமதிக்கப்பட வேண்டும் என்ற அதிர்ச்சி தரும் சொற்களை மோடி கூறினார் என்பதை மறுக்கவில்லை. ஆனால் அதற்கு மாறாக, இத்தனை ஆண்டு காலம் கழிந்த பிறகு அவர் கூறியது எங்களுக்கு நினைவில்லை என்று கூறினார்கள். (பக்கம் 16)

நான்கு அதிகாரிகள் - கே. சக்ர வர்த்தி, கே.நித்யானந்தம், பி.சி.பாண்டே, பி.கே. மிஸ்ரா ஆகிய நால்வரும், கலவரங்களின்போது இந்துக்களைக் கட்டுப் படுத்த வேண்டாம் என்று முதல் வர் அறிவுரை கூறியதாகக் கூறப்படுவதை திட்டவட்டமாக மறுத்தனர். தற்போது மத்திய வர்த்தக அமைச்சகத்தில் பணி யாற்றும் மற்றொரு அதிகாரியான அனில் முகிம், இந்தக் கூட்டத்தில் கலந்து கொண்டதையே மறுத்தது வியப்பளிப்ப தாக இருந்தது.

இரண்டு மூத்த அதிகாரிகளின் சவுகரியமான நினைவுக் குறைவும், தான் அந்தக் கூட்டத்தில் கலந்து கொள்ளவே இல்லை என்ற முகிமின் மறுப்பும், உண்மையை மறைக்க மேற்கொள்ளப் பட்ட ஒரு பெரு முயற்சியைக் காட்டு கிறது. இந்த நான்கு அதிகாரிகளில் பி.சி.பாண்டே, பி.கே.மிஸ்ரா இருவருக்கும் அவர்களது ஓய்வுக்குப் பிறகு மோடி அரசு செல்வாக்கும் அதிகாரமும் நிறைந்த பதவிகளை அளித்துள்ளது என்பதைக் காணும்போது, உண்மையை மறைக்க பெரு முயற்சி மேற்கொள்ளப் பட்டது என்பது நம்பத் தகுந்ததாகவே இருக்கிறது. 2009 இல் ஓய்வு பெற்ற பிறகு பி.கே.மிஸ்ரா குஜராத் மின்வாரிய ஒழுங்குமுறைக் கட்டுப்பாட்டு ஆணை யத்தின் தலைவராக ஆறு ஆண்டு காலத்துக்கு நியமிக்கப்பட்டுள்ளார். ஓய்வு பெற்ற பிறகு பி.சி.பாண்டே குஜராத் காவல்துறை வீட்டு வசதி வாரியத்தின் தலைவராக நியமிக்கப் பட்டார்.

மூன்றாவது அதிகாரி யான கே. நித்யானந்தம் இன்னமும் குஜ ராத் அரசின் கீழ் குஜராத் காவல்துறை வீட்டு வசதி வாரியத்தின்  நிருவாக இயக் குநராகப் பணியாற்றி வருகிறார். குற்றச்சாற்றை மறுக்காமல், ஆனால் அதே நேரத்தில் நினைவில்லை என்று கூறிய அசோக் நாராயணுக்கும் பரிசுகள் அளிக்கப்பட்டுள்ளன. கலவரங்களுக்குப் பிறகு நாராயண் தலைமைச் செயலாள ராக பதவி உயர்வு அளிக்கப்பட்டுள்ளார். 2003 மே 23 அன்று அவர் லஞ்ச ஒழிப்பு ஆணையராக நியமிக்கப்பட்டுள்ளார். 2004 ஜூலை 31 அன்று 60 வயது நிறை வடைந்த பிறகும், அவருக்கு இரண்டு ஆண்டு காலம் பதவி நீட்டிப்பு வழங்கப் பட்டது. அதனைத் தொடர்ந்து அவ ருக்கு நான்கு முறை ஆறுமாத கால நீட் டிப்புகள் வழங்கப்பட்டன. மொத்தமாக நான்கு ஆண்டு காலம் அவருக்கு மோடி அரசால் பதவி நீட்டிப்பு வழங்கப்பட்டுள் ளது. அதன்படி சிறப்பு விசாரணைக் குழுத் தலைவர் ராகவன் குறிப்பிடு கிறார்: பி.சி.பாண்டே, பி.கே.மிஸ்ரா, அசோக் நாராயண் ஆகிய மூன்று அதிகாரிகளும் ஓய்வு பெற்ற பிறகு, பணிகளில் நியமிக்கப்பட்டுள்ளனர். அதனால் முதல் அமைச்சருக்கோ அல்லது மாநில அரசுக்கோ எதிராக அவர்கள் பேசுவார்கள் என்று எதிர் பார்க்க முடியாது (தலைவரின் குறிப் புகள்: பக்கம்.4)

உச்சநீதிமன்ற ஓய்வு பெற்ற நீதிபதி பி.பி.சவந்த் மற்றும் பம்பாய் உயர்நீதிமன்ற ஓய்வு பெற்ற நீதிபதி ஹோஸ்பெர்ட் சுரேஷ் இருவரும், கவலைப்படும் குடிமக் களின் தீர்ப்பாய உறுப்பினர்களாக கலவரங்கள் பற்றி விசாரணை நடத்திய போது, குஜராத் முன்னாள் வருவாய்த் துறை இணை அமைச்சர் ஹரேன் பாண்டியா, கலவரங்களில் மோடியைத் தொடர்பு படுத்தும் வகையில் தங்களிடம் வாக்குமூலம் அளித்தார் என்று சிறப்பு விசாரணைக் குழுவிடம் உறுதிப் படுத்தினர் என்று அறிக்கை குறிப் பிடுகிறது.

பாண்டியா 2002 மே 13 அன்று எங்கள் முன் ஆஜராகி, தனது பெயர் வெளியில் தெரியக் கூடாது என்ற நிபந்தனையுடன்,   மோடியின் வீட்டில் 27-2-2002 அன்று நடந்த கூட்டத்தில் தான் கலந்து கொண்டதாகவும், அக் கூட்டத்தில் பேசிய மோடி அடுத்த நாளன்று இந்துக்களிடமிருந்து ஓர் எதிர் தாக்குதல் கட்டாயம் நடக்க வேண்டும் என்பதைத் தெளிவுபடுத்தினார் என்ப தாக வாக்குமூலம் அளித்தார் என்று இந்த இரண்டு ஓய்வு பெற்ற நீதிபதி களும் சிறப்பு விசாரணைக் குழுவிடம் தெரிவித்தனர். (அறிக்கையின் பக்கம் 18)

2003 இல் பாண்டியா மர்மமான முறையில் கொலை செய்யப்பட்டார்.  அவர் இறந்து போய்விட்டபடியால், அவர் தான் கலந்து கொண்டதாகக் குறிப்பிட்ட கூட்டம், 27-2-2002 அன்று முதல் அமைச்சரால் நடத்தப்பட்ட அதிகாரிகளின் கூட்டமா அல்லது மோடி தனியாகக் கூட்டிய பா.ஜ.க. தலைவர் களின் கூட்டமா என்பதை உறுதிப் படுத்திக் கொள்வதற்கான வழி இல்லை. ஆனால், தீர்ப்பாயத்தின் முன் பாண்டியா அளித்த வாக்குமூலம் பதிவு செய்யப் படாததால், ஓய்வு பெற்ற இரண்டு நீதிபதிகளின் அறிக்கைகளை உண்மை என்று எடுத்துக் கொள்ள சிறப்பு விசாரணைக் குழு தயாராக இருக்க வில்லை.

உண்மையைக் கூறுவதானால், இதுபற்றிய சிறப்பு விசாரணைக் குழு வின் முழுமையான அணுகுமுறையே, தொடர் நடவடிக்கை எடுக்கப்பட வேண்டும் என்ற விருப்பமோ உறுதியோ அற்றதாகவே இருந்தது. விசாரணை அலுவலர் தனது அறிக்கையின் 13-ஆம் பக்கத்தில் குறிப்பிடுகிறார்:

1) நீண்ட காலத்துக்கு முன்பே ஓய்வு பெற்ற சில அரசு அலுவலர்கள், நிகழ்ச்சி தங்களுக்கு நினைவில் இல்லை என்று கூறுகின்றனர். அரசுடன் எந்தக் கருத்து வேறுபாடும் முரண்பாடும் தங்களுக்குத் தேவையில்லை என்று அவர்கள் கருதியிருக்கலாம்.

2) மற்றொரு வகையான அரசு அலுவலர்கள், அண்மையில் ஓய்வு பெற்றவர்களாகவும், அதன் பிறகு நல்ல மறுநியமனங்கள் பெற்றவர்களாகவும் இருக்கின்றனர். மாநில அரசுக்கும், முதல் அமைச்சருக்கும் இதற்காகக் கடமைப்பட்டவர்களாக இருக்கும் அவர்களின் சாட்சியம் நம்பத்தகுந்ததாக இல்லை.

3) பதவி உயர்வுக்குத் தகுதி பெற்றோர் பட்டியலில் இடம் பெற்றுள்ள தற்போது பணியில் உள்ள அலுவலர்கள், அதிகாரத்தில் இருக்கும் அரசியல் வாதிகளுடன் மோதலை மேற்கொண்டு,  அவர்களின் கோபத்தை சம்பாதித்துக் கொள்ள விரும்பாதவர்களாக உள்ளனர் என்ற நிலையே அவர்களின் பிரதிபலிப்பு என்னவாக இருக்கும் என்பதைக் காட்டுகிறது.

சிறப்பு விசாரணைக் குழுவின் முன் இவ்வாறு அரசு அதிகாரிகள், அலுவலர் கள் சுதந்திரமாக, உண்மையாக வாக்கு மூலம் அளிக்கவில்லை என்பதை நன்கு அறிந்திருந்த பிறகும், மேலும் இது பற்றி தோண்டித் துருவி விசாரிக்க விசா ரணைக் குழு விரும்பவில்லை என்ப தற்கு எந்தவிதக் காரணமும் கூற முடியாது. தான் கண்டவை பற்றிய தனது கருத்துகளை முடிவாகத் தெரி விக்க முனைந்த விசாரணை அலுவலர் கூறுகிறார்: 27-2-2002 மாலை மோடியின் வீட்டில் ஒரு சட்டம் ஒழுங்கு கூட்டம் நடைபெற்றது என்பதை முடிவு செய்ய இயலுகிறது. என்றாலும், முஸ்லிம்கள் மீது தங்களின் கோபத்தைத் தீர்த்துக் கொள்ள இந்துக்களை சுதந்திரமாக அனுமதிக்கும்படி  தலைமைச் செயலா ளர், காவல் துறைத் தலைவர் மற்றும் இதர அதிகாரிகளிடம் முதல் அமைச்சர் அறிவுறுத்தினார் என்பது மெய்ப்பிக்கப் படவில்லை.

நன்றி: தெகல்கா 12.2.2011
தமிழில்: த.க. பாலகிருட்டிணன்

http://viduthalai.in/new/page-2/3489.html

ஆவணங்களை திட்டமிட்டு அழித்த மோடி (2) - தெகல்கா அம்பலம்

2002 குஜராத் கலவரங்களை விசாரிக்க உச்ச நீதி மன்றம் நியமித்த சிறப்பு விசாரணைக் குழுவின் அறிக்கையில் முதல்வர் நரேந்திர மோடி மீது சுமத்தப்பட்ட குற்றச்சாற்று களில் உண்மை என்று கண்டுபிடிக்கப்பட்டவை கீழ்வருமாறு:

(1) குல்பர்கா சொசைட்டியிலும், மற்ற பல இடங்களிலும் முஸ்லிம்கள் மீது பயங்கரமான வன்முறைத் தாக்குதல்கள் நடத்தப்பட்டன என்ற உண்மைக்குப் பிறகும், வன்முறைகள் பற்றி மாநில அரசின் பிரதிபலிப்பு எவர் ஒருவரும் எதிர் பார்க்கும் வகையில் அமைந்திருக்கவில்லை. ஒவ்வொரு செயலுக்கும், அதற்குச் சமமாக எதிர்வினை யாற்றும் செயல்கள் விளையவே செய்யும் என்று பேசியதன் மூலம், குல்பர்கா சொசைட்டி, நரோடா பாடியா மற்றும் இதர இடங்களில் நிலவிய வன்முறைக் கலவரச் சூழ்நிலையின் தீவிரத்தை நீர்த்துப் போகச் செய்யவே முதலமைச்சர் முயன்றார். (அறிக்கையின் 69 ஆம் பக்கம்). கோத்ரா மற்றும் அதற்குச் சுற்றுப் புறத்தில் உள்ள பகுதிகளில் வசிக்கும் மக்கள் குற்றவியல் மனப்பான்மை யைக் கொண்டிருந்தனர் என்று சிலர் மீது குற்றம் சாற்றி விடுக்கப்பட்ட மோடியின் அறிக்கை, ஒரு முதல் அமைச்சரிடமிருந்து, ஒரு பிரிவு மக்கள் மீது ஒட்டு மொத்தமாக குற்றம் சாற்றுவதாக அமைந்துள்ளது என்று சிறப்பு விசாரணைக் குழுவின் தலைவர் ஆர்.கே.ராகவன் கூறியுள்ளார். (தலைவரின் குறிப்புகள்: பக்கம் 13)

விசாரணை அதிகாரி மேலும் குறிப்பிடுகிறார்: சிறுபான்மை இன அப்பாவி மக்கள் கொல்லப்பட்டதை நியாயப்படுத்தி மோடி கூறியதை, கோத்ராவைத் தொடர்ந்து நிகழ்ந்த கலவரங்களைப் பற்றி ஒரு கடுமை யான கண்டனத்தை அவர் தெரிவிக்காமல் இருந்ததுடன் ஒப்பிட்டுப் பார்க்கையில், மாநிலம் கடுமையான மதக் கலவரங்களால் பாதிக்கப்பட்டிருக்கும் நெருக்கடியான ஒரு நிலையில் முதல்வர் ஒரு பாரபட்ச நிலையை மேற்கொண் டிருந்தார் என்பதையே சுட்டிக்காட்டுகிறது. (பக்கம் 153)

(2) மிகுந்த சர்ச்சைக்கு உள்ளான ஒரு செயலாக, கலவரங்களின் போது, அசோக் பட் மற்றும் ஜடேஜா ஆகிய இரு மூத்த அமைச்சர்களையும் மாநகரக் காவல்துறைக் கட்டுப்பாட்டு அறையிலும், மாநில காவல்துறைக் கட்டுப்பாட்டு அறையிலும் மாநில அரசு இருக்கச் செய்துள்ளது. எந்தவித குறிப்பிட்ட செயல்திட்டமும் இன்றியே இந்த இரு அமைச்சர்களும் காவல்துறைக் கட்டுப்பாட்டு அறைகளில் இருக்கச் செய்யப்பட்டனர் என்று சிறப்பு விசாரணைக் குழுத் தலைவர் கருத்து தெரிவித்துள்ளார். காவல்துறையின் பணியில் குறுக்கிட்டு, கள அலுவலர்களுக்கு தவறான முடிவுகளை, கட்டளை களை அளிக்கவே அமைச்சர்கள் கட்டுப்பாட்டு அறைகளில் இருக்கச் செய்யப்பட்டனர் என்று கூறப்படுவதற்கு இச்செயல் வலு சேர்க்கிறது. நரேந்திரமோடி உள்துறை அமைச்சராக இருந்தார் என்பதால், இந்த ஏற்பாட்டுக்கு அவரது ஆசி இருந்தது என்ற சந்தேகம் வலுப்படுகிறது. (தலைவரின் குறிப்பு பக்கம் 12)

(அசோக்பட்டின் செல்போன் அழைப்புகளைப் பரிசீலித்ததில், நரோடா காவுன் மற்றும் நரோடா பாடியா படுகொலைகளில் முக்கியமாக சம்பந்தப்பட்டவர் என்று கருதப்படும் விசுவ இந்து பரிசத் தலைவர் ஜெய்தீப் படேலுடன் அசோக்பட் தொடர்பு கொண்டிருந்தது தெரிய வருகிறது. அகமதாபாத் படுகொலைகளுக்குப் பொறுப்பான முக்கிய குற்றவாளியாக சிறப்பு விசாரணைக் குழு கருதும் முன்னாள் மாநில உள்துறை உதவி அமைச்சர் கோர்தான் ஜடாபியாவுடனும் அசோக் பட் தொடர்பு கொண்டிருந்தது தெரிய வந்தது.)

(3) கலவரங்களின் போது நடுநிலை வகித்து, படுகொலைகளைத் தடுத்த காவல் துறை அலுவலர்களை முக்கியத்துவம் அற்ற பணிகளுக்கு மாநில அரசு மாற்றியது என்பதை சிறப்பு விசாரணைக் குழு அறிக்கை உறுதிப் படுத்துகிறது. ஆளும்கட்சி உறுப்பினர்களை எதிர்த்ததாக அறியப்பட்ட நிகழ்ச்சிகளுக்குப் பின் உடனடியாக அந்த அலுவலர்கள் மாற்றப்பட்டனர் என்பதால், இந்த மாறுதல்கள் அனைத்தும் கேள்விக்கு உட்பட்டவை என்று விசாரணைக் குழுத் தலைவர் ராகவன் கருதுகிறார்.

(5) கோத்ரா ரயில் எரிப்பு சம்பவத்தை நேரில் சென்று காண ஒரே நாளில் 300 கி.மீ. பயணம் செய்த மோடி. அதிக அளவிலான எண்ணிக்கை கொண்ட முஸ்லிம்கள் கொல்லப்பட்ட அகமதாபாத் கலவரப் பகுதிகளைச் சென்று பார்க்காததன் மூலம் வேறுபாடு காட்டியுள்ளார். கோத்ரா ரயில் எரிப்பு சம்பவ இடத்தை உடனே சென்று பார்த்த மோடி, அகமதாபாத் கலவரங்களில் பாதிக்கப்பட்ட பகுதிகளுக்குச் சென்று பார்க்காததற்கு மோடி எந்த குறிப்பிட்ட காரணத்தையும் தெரிவிக்கவில்லை என்று விசாரணைக் குழுத் தலைவர் குறிப்பிட்டுள்ளார். (விசாரணைக் குழுத் தலைவரின் குறிப்பு: பக்கம் 8)

(6) உணர்ச்சி மிகுந்த கலவர வழக்குகளில் விசுவ இந்து பரிசத்தைச் சேர்ந்தவர்களையும், ஆர்.எஸ்.எஸ். அமைப்புகளைச் சேர்ந்த வழக்கறிஞர்களை அரசு தரப்பு குற்றவியல் வழக்கறிஞர்களாக குஜராத் அரசு நியமித்து உள்ளது என்பதை சிறப்பு விசாரணைக் குழு உறுதிப் படுத்தியுள்ளது. இது பற்றி அந்த அறிக்கை கூறுகிறது: அரசு குற்றவியல் வழக்கறிஞர்களை நியமிப்பதில் அரசியல் அமைப்புகளைச் சார்ந்த வழக்கறிஞர்களுக்கே அரசு முன்னுரிமை அளித்துள்ளது என்று தோன்றுகிறது. (பக்கம் 77). சிறப்பு விசாரணைக் குழுத் தலைவர் மேலும் கூறுகிறார்: இவ்வாறு அரசு குற்றவியல் வழக்கறிஞர் களாக கடந்த காலத்தில் நியமிக்கப்பட்டவர்களில் பலர் உண்மையில் ஆளுங்கட்சி அல்லது அதற்கு ஆதரவாக இருக்கும் அமைப்புகளின் அரசியல் தொடர்புடைய வர்களே. (தலைவரின் குறிப்புகள்: பக்கம் 10)

(7) 28-2-2002 அன்று சட்டத்திற்குப் புறம்பாக விசுவ இந்து பரிசத் அமைப்பு அறிவித்த முழு அடைப்புப் போராட்டத்தினை (பந்த்) தடுத்து நிறுத்த குஜராத் அரசு எந்த நடவடிக்கையும் எடுக்கவில்லை என்பது மட்டுமல்லா மல், அதற்கு மாறாக பந்துக்கு பா.ஜ.க. ஆதரவு அளித்தது என்று அந்த அறிக்கை தெரிவிக்கிறது. (பக்கம் 69)
(பந்த் என்ற பெயரில் விசுவ இந்து பரிசத்தும், பா.ஜ.க. தலைவர்களும் திரட்டிய இந்து கொலைவெறிக் கும்பல்களே நரோடா மற்றும் குல்பர்கா சொசைட்டி ஆகிய இடங்களில் 2002 பிப்ரவரி 28 அன்று பயங்கரமான படுகொலை களைச் செய்தனர் என்பதை நினைவில் கொள்வது முக்கியம்.)

(8) நரோடாவில் 28-2-2002 இரவு 12 மணி வரையிலும், அகமதாபாத் நகரின் மேகானி நகரில் இரவு 2 மணி வரையிலும் காவல்துறை நிருவாகம் ஊரடங்கு சட்டத்தை பிரகடனப்படுத்தவில்லை என்பதற்கு எந்த விதக் காரணமும் கூறப்பட முடியவில்லை என்று விசா ரணை அறிக்கை தெரிவிக்கிறது. ஊரடங்கு சட்டம் அமல் படுத்திய நேரத்திற்கு முன்னமேயே இரண்டு இடங்களிலும் சூழ்நிலை கட்டுக்கடங்காமல் மோசமாகப் போய்விட்டது; படுகொலைகள் செய்து முடிக்கப்பட்டுவிட்டன.

(9) மத உணர்வுகளைத் தட்டியெழுப்பி, கலவரத்தைத் தூண்டிடும் விதத்தில் பத்திரிகைத் துறையினரில் ஒரு பிரிவினர் செய்திகளை வெளியிடுவதற்கு எதிராகக் கடுமையான நடவடிக்கை எடுக்கப்பட வேண்டும் என்று மாநில புலனாய்வுத் துறை கள அலுவலர்கள் மோடிக்கு அறிக்கை அளித்த பின்னும், மோடியின் அரசு நடவடிக்கை எடுக்கத் தவறிவிட்டது என்று சிறப்பு விசாரணைக் குழு தெரிவிக்கிறது. இது மதக்கலவரச் சூழலை மேலும் மோசமாக ஆக்கிவிட்டது.

(10) சட்டமன்றத் தேர்தலை விரைவில் கொண்டு வரச் செய்யும் நோக்கத்துடன் 2002 ஆகஸ்ட் மாதத்தில் மத்தியத் தேர்தல் ஆணையத்திற்கு மோடி அரசு, மாநிலத்தில் மதக் கலவரங்கள் இன்னமும் புகைந்து கொண்டிருக்கும் நிலையில், மாநிலத்தில் சட்டம் ஒழுங்கு நிலை சரியாக இருக்கிறது என்ற தவறான தகவல் அளித்து தவறாக வழிகாட்டியது என்று சிறப்பு விசாரணைக் குழு உறுதிபடத் தெரிவிக்கிறது.
(மாநில அரசின் ஆட்சிக் காலம் முடிவடைவதற்கு ஒன்பது மாதங்களுக்கு முன்பாகவே 2002 ஆகஸ்ட் 19 அன்று சட்டமன்றத்தை பா.ஜ.க. கலைத்துவிட்டு, விரைவில் தேர்தல் நடத்தக் கோரியது. கலவரங்களை அடுத்து மாநிலத்தில் மதவழியாக மக்கள் பிளவுபட்டுள்ள சூழ்நிலை யைத் தனக்கு சாதகமாகப் பயன்படுத்திக் கொள்ள பா.ஜ.க. விரும்பியது என்பது தெளிவாகத் தெரிகிறது.)

(11) நரோடா பாடியா மற்றும் குல்பர்கா சொசைட்டி படுகொலை வழக்குகளில் மாநிலக் காவல்துறை மோசமான கண்துடைப்பு விசாரணையை மேற்கொண்டது என்பதை சிறப்பு விசாரணைக் குழு கண்டுபிடித்துள்ளது. கலவரத்தில் தொடர்பு கொண்ட சங்பரிவார் உறுப்பினர் கள் மற்றும் பா.ஜ.க. தலைவர்களின் செல்போன் அழைப் புகள் பற்றிய ஆவணங்களை வேண்டுமென்றே காவல் துறை பரிசீலிக்காமல் விட்டுவிட்டது. அவர்களில் மிகவும் முக்கியமானவர்கள் குஜராத் விசுவ இந்து பரிசத்தின் தலைவர் ஜெய்தீப் பட்டேல் மற்றும் பா.ஜ.க. அமைச்சர் மாயா கோட்னானி ஆகியோர். இந்த செல்பேசி அழைப்பு ஆவணங்கள் பரிசீலிக்கப்பட்டிருந்தால், குற்றங்களில் அவர்களுக்கு உள்ள தொடர்பை மெய்ப்பிக்கும் சாட்சிகளாக அவை பயன்படுத்தப்பட்டிருக்க இயலும். (பக்கம் 101-105)

(12) கலவரங்களில் பங்குபெற்றோர் என்று கருதப்படும் மூத்த காவல்துறை அதிகாரிகள் பற்றி சிறப்பு விசாரணைக் குழு இப்போது விசாரித்து வருகிறது. அகமதாபாத் மாநகர முன்னாள் காவல்துறை இணை ஆணையர் எம்.கே. தாண்டன் (அவரது பகுதியில்) 200-க்கும் மேற்பட்ட முஸ்லிம்கள் படுகொலை செய்யப்பட்ட வழக்கில் குற்றவாளி என்பது கண்டுபிடிக்கப்பட்டுள்ளது. (கலவரங் களுக்குப் பின் கண்டிக்கப்படவும், தண்டிக்கப்பட வும் வேண்டிய அவருக்கு செல்வாக்கு மிகுந்த பணி நியமனங் கள் ஒன்றன்பின் ஒன்றாகக் கிடைத்து, இறுதியாக அவர் 2007 ஜனவரியில் கூடுதல் காவல்துறை இயக்குநர் ஜெனரலாக ஓய்வு பெற்றார்.) அவருக்குக் கீழே காவல் துறை துணை ஆணையராகப் பணியாற்றிய பி.கே.கோண்டியா என்பவரும் படுகொலைகள் நிகழ்த்துவதை விருப்பத்துடன் அனுமதித்த குற்றத்தைப் புரிந்தார் என்பதும் கண்டு பிடிக்கப்பட்டுள்ளது. இந்த இரு அதிகாரிகளும் தங்கள் கடமையை மட்டும் ஒழுங்காகச் செய்திருந்தால் நூற்றுக் கணக்கான முஸ்லிம்களின் உயிர் காப்பாற்றப்பட்டிருக்க இயலும் என்று சிறப்பு விசாரணைக் குழு தெரிவிக்கிறது. (பக்கம் 48-50) இந்த அதிகாரிகளில் எவர் ஒருவரும் தங்கள் கடமை தவறுதலுக்காக மோடி அரசால் கேள்வி கேட்கப்படவில்லை.

(13) மோடிக்கு நேரடியாக தனது அறிக்கையை அளித்து வந்த, முன்னாள் உள்துறை உதவி அமைச்சராக இருந்த கோர்தான் ஜடாபியாவுக்கும் கலவரங்களில் உள்ள தொடர்பு பற்றிய சாட்சியங்களையும் சிறப்பு விசாரணைக் குழு கண்டுபிடித்துள்ளது. நரோடா பாடியா படுகொலை வழக்கில் ஏற்கனவே மற்றொரு பா.ஜ.க. அமைச்சரான மாயாபென் கோட்னானி என்பவரும் குற்றம் சாற்றப்பட்டுள்ளார். ( பக்கம் 168-169)

நன்றி: தெகல்கா

தமிழில்: த.க.பாலகிருஷ்ணன்

http://viduthalai.in/new/home/archive/3376.html

குஜராத் முதல்வர் நரேந்திர மோடியின் சாதனைகள்- ஒளி படங்களுடன்

எல்லா புகழும் குஜராத் முதல்வர் நரேந்திர மோடிக்கே சேரும்.அவருடைய ஆட்சியில் நடைபெற்ற சிறுபான்மையினருக்கு எதிரான வன்முறைகள்.இது தான் unity of diversity . பாரதிய ஜனதாவோடு கூட்டணியில் உள்ள பிகார் முதல்வர் நரேந்திர மோடியை உள்ளே அனுமதிக்கவில்லை தேர்தல் பிரசாரத்துக்கு.அமெரிக்கா மோடிக்கு விசா வழங்க வில்லை.உச்ச நீதி மன்றம் நீரோ மன்னன் என்று பட்டம் கொடுத்தது. சி.பி.ஐ ஆள் 9 மணி நேரம் விசாரிக்க பட்ட இந்திய மாநிலங்களின் ஒரே முதல்வர் மோடி...இப்படி பல பெருமைகளுக்கு சொந்த காரர்.இவரின் இத்தகைய சாதனைகள் சொல்லி மாளாது.

GENOCIDE AGAINST MUSLIMS: The charred bodies of Muslim after the Hindus attacked, murdered and burned them in Gujarat in 2002. The fate of Mulsims in India

Women after the killing

Hindu rioter

Indian Muslims digging graves for loved ones who fell victim to bloodthirsty Modi mobs in Gujarat

Genocide against Muslims: India Muslim killed by Hindu mobs in Gujarat

Indian police inspect the charred remains of a Muslim in Ambasa

India police stand near charred remains of Muslims in Ambasana village in the riot hit Western state of Gujarat

Nazir Khan 20 looks out from a refugee camp for Muslims

Muslim Killed my Hindu Riots

Muslim raped amputated and the burnt body

Sakina and her brother Asim whose family members were burnt

GENOCIDE AGAINST MUSLIMS: The charred bodies of Muslim after the Hindus attacked, murdered and burned them in Gujarat in 2002. The fate of Mulsims in India